25 C
Tura

Panchakarma-ni Centre of Excellence-ko Sonowal oprake on•a

Must read

Guwahati, Feb 24: Sonibar salo, Ports, Shipping & Waterways and Ayush-ni Union Minister,  Sarbananda Sonowal, Guwahati-ni State Ayurvedic College & Hospital-ni ning•o, Panchakarma-ni Centre of Excellence-ko oprake on•angan baksana, hospital campus-ni ning•o taridaptaigimin State Pharmacy-koba do•ga oprake on•angjolaha.

Ia tom•anio Union Minister Sarbananda Sonowal aganengon, ia mingsinggipa college-o bak ra•na man•enganina bilongen kusi ong•a jeon,  Ayurdeva-ni gimin skie on•enga aro channa ampilgijagipa Ayurdeva-ni gimin u•i ma•sigipa manderangko nakataha, una agreba, medical sector aro sanna bannaniko ra•enggipa manderangna dakchakanikoba on•enga. Indake, Panchakarma sanna bannaniko dakna gitalgipa Centre of Excellence-ko aro taritaigipa State Pharmacy-ko man•dapanichi, Ayush-ni gimin nambate on•gilpana man•pagnok inenba aganaha.

Indake, Prime Minister Shri Narendra Modi-ni dilanichi, a•gilsak gimikon ma•gitcham pagitchamrangni jakkalrongbaenggipa samrangko gital dake namdapatna ja•kurangko de•engaha. Iako dakanichi, skangni ma•gitcham pagitchamrangni chasongni chasongna ja•rikbaenggipa bewalrangko ja•rikengasan ong•aigija, sakkirang baksa Ayush system-ko a•gilsak gimikni dingtang dingtang bakrango tang•doataniba ong•a. Ia an•seng baljokani ja•kuko, Ayush system-ni Yoga-ko dakanichi dilenga. Panchakarma sanna bannaniko dakanichi, gisiko aro be•en ning•o neng•nikanirangko komiatna dakchaka aro ia Centre of Excellence-ko on•a man•anichi, chatro chatrirang Panchakarma-ni bidingo nambate skie ra•naba man•gnok ineba ua aganaha.

Unbaksana, mande ra•ako man•a kragipa Prime Minister Narendra Modi Ji-ni niksamsoe dilenganichi, a•songni ning•o aro a•palo, ia ma•gitcham pagitchamrangni jakkalrongbaenggipa samrangko gital dake apalbatatna gita, chinga krenge kamko ka•enga aro namdapanirangkoba nikna man•engaha ine aganan baksa, uni dilanichi, Assam-ni dingtang dingtang biaprango gitalgipa Ayurvedic College, Ayurvedic Hospital, bang•a manderangko sanna chakgipa Yoga and Naturopathy Hospital-rangko aro  dam 500 mangni gita Ayush Wellness Centre-rangkoba rikna man•aha aro unbaksana, Shillong aro Pasighat-o donggipa Ayush sector-koba baridapatna man•aha ineba Sonowal agandapataha.

Na·simang iakoba poraie nina man·gen: Babadamo Agro Food Park-ko nokdonggaa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

More articles

-->
-->

Latest article