Tura, Feb 24: Sonibar salo Meghalayani Skotong Minister Conrad K. Sangma, ma·manti kamrangna miksonge Babadamo a·bachengatgipa projectko, Speaker Thomas A Sangma aro PHE Minister Marcuise N Marakni dongpaanio oprake on·aha.
The Garo Hills Agro Food Park- ian Fr. Sunny Mavelil-ni dilanio All Garo Hills Multi Purpose Cooperative-ni a·bachengatenggipa ong·a. Uko rikna tangka 15.73 krormang koros ong·aha, jekon a·dok sorkari chu·gimik on·e dakchakaha.
Ia projectni ning·on Mustard Processing Unit, Cashew Processing Unit, Hi-Tech Food Lab, Ginger Processing Unit, Solar Power Plant aro 25 Cold Storage Unit donggen.
“Agriculture aro horticultureko jako ra·enggipa manderangna dingtangmancha dakchakna a·dok sorkarini miksonganio gnang. A·dok gimikon ge·a gamanirangko jako ra·china, aro ge·e game man·ako palna katep-katomna, miknapgni ong·atdapkuna, palat-sim·atna gita skidape on·na sorkarini kamrang gnang,” Skotong Minister tom·bagiparangna aganaha.
Ia kuligital Agro Food Park besual, kesunat, e·ching, gue aro uandakgiparangko bilsiprakon 100 metric ton-mang tarina man·gen.
A·doko game ge·e cha·giparangni man·gniko dunagni bariatna miksonganiko janape Skotong Minister agankuaha. Uni aganani gita, re·anggipa bilsi 6ni gisepo a·dokni ja·manchakbatgipa biaprango 166 processing unitrangko, 154 warehousing nokrangko aro 34 cold storagerangko rikaha.
Apsan salon Skotong Minister gue tarina kuligipa karkanakoba oprake on·baaha aro Babadamo PA Sangma Shopping Complex-ko riknaba a·bachengatani rong·pangko songbaaha.
Na·simang iakoba poraie nina man·gen: Goalpara-o mande sakgniko mongma doke siata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
