Dibrugarh, July 21: Sombar salo, Covid-19 sajinma saani a·sel bilsi 6-na chipe dongipa Arunachal Pradesh-ni Changlang a·jani Nampong-o donggipa Pangsau Pass Border Haat-ko kulie on·piltaiaha. Ia kulipiltaie on·anichi, India aro Myanmar-o bading chiwalaniko a·bachengatpiltaina gita dakchakaha.
Kulipiltaie on·ani skanggipa salo, India-oni sak 10 aro Myanmar-ni sak 5 pala sim·aniko dakgiparang cha·ani ringani bosturang, me·su samjakrang, jal·ikrang aro salantio nanggipa gipin bosturangko palangaha. Myanmar a·songoni sak 249 aro India a·songoni sak 130-ko man·chape chu·gimik sak 379 manderang bazar-ona re·ange nianiko dakangaha. Ia Border Haat ba bazar anti cha·aniko jani 10, 20 aro 30 tarikrango jaanti dakanggnok.
Nampong-ni MLA Laisam Simai, ia Border Haat-ko kulipiltaie on·anichi India aro Myanmar-ni gisepo bading chiwalaniko namdapatan baksana tourism-ko bariatna aro jolo songdonggipa manderangna tangka paisarangko man·a dakchakaniko on·anggnok ine agananangaha. Ia tom·anio Jairampur-ni Additional Deputy Commissioner Col. Amit Vijay Mane, 21 Assam Rifles-ni Commanding Officer aro gipin official-rangba dongpae bak ra·angpaaha.
Free Movement Regime (FMR)-ni ning·o ia bazar anti-ara, India-Myanmar sima ari-ni km 10 ning·o donggipa manderangko jatni bading chiwalani aro daka rikani kamrango bakko ra·na gita cholko on·a. Official-rangni aganani gitade, ia bazar-ko a·bachengatpiltaie on·aniara manderangna janggi tangani cholrangko man·piltaian baksana Pangsau Pass aro itihas-o mingsinggipa Stilwell rama-ko ra·dona dakchakaniko on·gen.
Na·simang iakoba nina man·gen:
Na·simang iakoba poraina man·gen: Meghalaya Lakadong Turmeric Integrated Development Mission-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
