Shillong, March 27: Sukrobar salo, Union Petroleum and Natural Gas-ni Minister Hardeep Singh Puri, batanggimin jani gisepon a·gilsak gimiko petrol aro diesel-ni damrang barrel prako $70-oni $120 mangni gita ta·raken bariahani a·sel petrol aro diesel-ni damrang a·gilsak gimikon tang·dobataha ine aganangaha.
Bang·a jolrang jekai Southeast Asia-o 30-50%, North America-o 30%, Europe-o 20% aro Africa-o 50% mangni gita damrangni bang·en tangdobatanirangko nikna man·engaha ine ua agan-talate on·angkuaha.
Indake ong·genchimoba, Narendra Modi-ni dilanio India sorkari petrol aro diesel-rangni dam tang·doani neng·nikaniko chu·gimik a·songni manderangna galgopjana tik ka·angenba, petrol aro diesel-ni damrangko bariatna nangjana gita ma·mong sorkari koros-rangko on·chakenga ine Hardeep Singh Puri u·iataha.
India sorkari komie kajinarangko ra·e, petrol litre prako gong 24 aro diesel litre prako gong 30 ka·e noksan ong·pileba company-rangna dakchakaniko on·enga ineba ua u·iatangaha.
Iani gisepon, ma·mong sorkari petrol aro diesel-ko gipin a·songchina ra·angani damko bariatskaaha, jedakode petrol ba diesel company-rang a·gilsak gimiko damrang bariani somoio gipin a·songrangona watato bang·bate tangka paisarangko man·a amgen ine ua agandapangkuaha.
Indake ong·engon, Hardeep Singh Puri, petrol aro diesel-ni damrang tang·doani somoio a·songni manderangko naljoke rakkina gita rakgipa ja·ku de·aniko dakahanina Prime Minister Narendra Modi aro Finance Minister Nirmala Sitaraman-ko de·mitelataha.
Na·simang iakoba nina man·gen:
Na·simang iakoba poraina man·gen: Water supply scheme-na M’laya sorkari, Jal Shakti Ministry baksa MoU-o soi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
