Shillong, Feb 5: Bristibar salo, PRIME Meghalaya-ni Onboarding & Graduation program-ko Shillong songjinmani Ward’s Lake-o ong•atangaha aro ia program-o Chief Minister’s E-Championship Challenge 6.0-o bading chiwalani kamrangko a•bachengatanina seokako man•gipa sak 75 manderangna aro Cohort 5-o graduate ong•anggipa sak 75 manderangna mande ra•pilskaaniko dakangaha.
Ia program-ko ong•atanio a•dokni Chief Minister Conrad K Sangma, mongsonggipa sokgipa ong•e jinmana aganprakengon, bading chiwalaniara a•dok aro a•songna aiao inmanani kamrangko ra•bana man•a ine parakangaha.
Adita bilsirangna skangde Meghalaya a•doko bading chiwalgiparangko dakchakna gita maming cholrang dongjachim indiba da•ode a•doko dingtang dingtang entrepreneurship program-rangko a•bachengatahani gimin ma•mong sorkarini dakchakanirangkoba man•engaha ineba ua aganaha.
Politics-ni kamrangko ka•na skang an•tangni bading chiwalani kamrango tikkelna nanganiko gisik ra•atpilengon, bading chiwalani kamrangko a•bachengatenggipa manderangni tikkelanirangko ua an•tangan ma•sichakengani gimin pilak nanga dakchakanirangko on•gen ine Chief Minister, ku•rachakaniko on•angaha.
Bading chiwalaniko a•bachengatenggipa manderangni neng•nikanirango dakchakaniko on•na miksonganion ia PRIME Meghalaya-ko bikotaha ineba ua aganaha.
Ia program-ko ong•atanio a•dokni Chief Minister, PRIME Entrepreneur Catalogue-koba a•bachengate on•angjolaha aro Incubation Program-o nambatgiparangna boksisrangkoba on•angaha.
Na·simang iakoba nina man·gen:
Na·simang iakoba poraina man·gen: PM Modi-ni bilbaenggipa Air Force-ni sildoreng Assam National Highway-o bilonchakgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
