Dibrugarh, Feb 5: Prime Minister Narendra Modi-ni bilbaenggipa Indian Air Force-ni sildoreng February 14, 2026-o, Moran-o donggipa Assam National Highway-o bilonchakegen.
Ia 4.4 km-rang ro•gipa National Highway-ko sildorengrang rang•gitik bilonchakna ine Moran-o tariaha. Assam-ni manderang itihaso skanggipa changna ia bilonchakaniko mikrontangchi nikgen.
February 14 tariko Prime Minister-ni a•dokona re•bana skang, Moran-o bilonchaknasienggipa Emergency Landing Facility (ELF) Road-o namen nisoengsoe tarisamsoanirangko dakengaha.
Ia dal•begipa tom•bimonganina tarisamsona inenba nangchongmotgipa dal•gipa gadango tom•aniko ong•ate security aro gipin kamrangni bidingo chanchirimaniko dakangaha.
Ia tom•anio Chief Secretary Ravi Kota, Director General of Police Harmeet Singh, Indian Air Force-ni senior official-rang aro sorkarini dingtang dingtang department-rangni dal•dalgipa officer-rang bak ra•angaha.
Ia chanchirimanirango Prime Minister-ni re•baanina security donani, gari-gorarangko watani aro sildorengni soroko bilonchakanina technical kamrangni gimin agangrikangaha. Ia programme-ko namedake ong•atangna man•na gita dingtang dingtang department-rangni bakrime kam ka•ani gimin dingtangmancha chanchirimangaha.
Uandake, pilak nanggipa department-rangko mikrake dongchina aro mamung chu•onggijaniko man•jana gita tikatgimin kamrangko namedake ka•china administration-oni ge•etaniko on•ataha. Ia dal•gipa tom•bimongani chu•sokna aro kenani gri ong•na gita namedake chanchirimani aro jaksape kam ka•anirangko dakenga ine official-rang aganangaha.
“February 14, 2026-o, Prime Minister Narendra Modi 4.4 km-rang ro•gipa highway-ko oprake on•na re•baenga. Air Force-ni fighter jet-rang altuae, mamung neng•nikani gri nanggitikani somoio bilonchakna ine ia highway-ko rikaha. Iandake dal•begipa tom•bimonganiko mikrontangchi nikaniara Assam-ni manderangni itihaso namen gisik ra•beani ong•a,” ine chief secretary Ravi Kota aganangaha.
“February 14 tariko, PM Narendra Modi fighter jet-o re•bae Moran highway-o bilonchakgen. Chinga ua somoiko namen nisengsoenga,” ine Assam-ni skotong minister Himanta Biswa Sarma aganangaha.
Na·simang iakoba nina man·gen:
Na·simang iakoba poraina man·gen: EJH-o koila a·kolo gopretanichi sak 16 kam ka·giparang sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
