Shillong, June 1: North-Eastern Hill University Non-Teaching Staff Association (NEHUNSA), Education-ni ministry-ko North-Eastern Hill University-na gital Vice Chancellor (VC)-ko ta•raken appoint ka•china ba kamo rimnapchinagita didiangaha. Sorkarini gital VC-ni post-ko nakatatna parakatani ja•man association-rang ku•si ong•e ra•chakgenchimoba, University-o neng•nikaniko man•mitting somoio nakatatode nambatachim, ine uamang janapangaha.
NEHUNSA-ni Education ministry-na chitti seatgipao, VC Prof P. S. Shukla, shillong-ni university headquarter-ko wate re•ang man•genchimoba, ua chel•aoni dongeba academic aro administrative-ni kamrango jak nangatpakuengachim, ine matnanagataha.
Education-ni Ministry-rang gital VC-ko seokanio, administrative-ni kamrango changgipa sapgipako aro kakketo seokaniko dakangen, ine an•tangtangni ka•dongsongani gimin parakangaha.
Unbaksana NEHUNSA, University-o VC-ni biap bang•bang ong•e dongjachina, August ja 2026-na skangan appointment ka•ani kamrangko matchotatchina mol•molangaha. Prof Shukla-ni Vice Chancellor-ni kamko jakko ra•e ka•ani term- bon•naskang, uni pal gipinko kamo rimnapna ba appoint ka•anirango somoi ra•dapgenchimode, university-ni dongimin niamgita, uano ru•uta bilsina professor ong•enggipako , Vice Chancellor-ni kamko jakko ra•e ka•china songangskangen, ine association-ni dolrang agananagaha.
Association-rang, Prof Shukla-ni term-ko ra•dodapaniko jegalenba, uni term-ko ra•dodapatgenchimode, mikkangchi University-ni kam ka•anirango aro dal•roroanio namgijagipa ong•gen ine uamang aganangaha.
Na·simang iakoba nina man·gen:
Na·simang iakoba poraina man·gen: Mawsynram-ni gitcham MLA-koba Rajya Sabha MP-ni candidate-na minga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
