Boko, Nov 6: Rabha Organisation-rang jekai, All Rabha Students’ Union (ARSU), All Rabha Women Council (ARWC) aro Sixth Schedule Demand Committee (SSDC)-ni memberrang, Rabha Hasong Autonomous Council (RHAC)-ko Sixth Schedule-o chapatchina dabie Boko-Chaygaon Co-District Commissioner Office-o jingjengataha.
Ia jingjengataniko dakani joljol uamang, Skotong Minister Himanta Biswa Sarma-na Boko-Chaygaon-ni Co-District Commissioner gita Memorandum-ko on·angaha.
Indake uamangni on·gipa Memorandum-o, Skotong Minister aro Ministry of Home Affairs-ni janapgimin gita ma·mong sorkari, a·dok sorkari aro RHAC dolgittam tom·e chanchirimaniko dakenba ia bilsini November jani gisepon kamrangko matchotatchina mol·molataha.
Kobor ra·timgiparang baksa agangrikengon, uamangko Sixth Schedule-ni ning·o chapatchina 2003 bilsionin dabibaengaha aro iani bidingo dolgittamni gisepo 2025 bilsini May jao chanchirimna tik ka·ahachim, indake ong·genchimoba ia kamrangko da·alonaba ka·kujaenga. Ia tom·e chanchirimaniko ia jani gisepo dakjagenchimode, jagni mangna jingjengataniko dakna uamang tarisamsoaha ine ARSU-ni President Motilal Rabha aganaha.
Rabha jatko Sixth Schedule-o chapataniara namen nangchongmota maina iano chapatachisa uamangni a·ako, jatko aro uamangni dolrangko naljok ripinge rakkina man·gen ineba ua aganaha.
Na·simang iakoba nina man·gen:
Na·simang iakoba poraina man·gen: Sainik School-ni bilsi 12 ong·gipa chatroko sina skang ragging baksana doka sataniko daka ine abigipa matnangata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
