Itanagar, Nov 6: 2024 bilsio Miss Arunachal title-ko chegipa Tadu Lunia, East Siang a·jao donggipa Ruksin-ni Sainik School-o uni jonggipana class dal·batgipa chatrorang, class 7-o poraigipa uni bilsi 12-san ong·kuenggipa jonggipako sina skang ragging baksana doka sataniko dakaha ine matnangataha.
School authority-ni gita uni nokdangni manderangna ua an·tangko so·ote siaha inesa aganaha, indiba ja·mano uni class-o apsan porairimgiparang uko October jani 31 tarik walo ragging ka·an baksana doka sataniko dakaha ine uni Instagram-ni jawilwat ge·sao ua parakataha.
Class 10-o poraigipa sak 8 aro class 8-o poraigipa sak 3 chatrorang waltingo uamangni dormitory ba jinma tuchakram kuturiona napbaenba, uni jonggipako uamangni room-ona rimangaha jeon uko gisikni aro be·enni gita saknaanirangko on·aha ine Lanu u·iataha.
Police dolrang ia case-o abetment to suicide ba so·ote sichina dra·atani mokordomako on·dapaha. Matnangako man·gipa sak 8 chatrorangko November jani 4 tariko Pasighat-ni Juvenile Justice Board (JJB)-ona rimangaha aro skul-ni Vice Principal-ni nirokanio antisana uamangko donataha.
Ia case-ni bidingo am·sandianiko dakani gisepon, police dolrang bang·bata sakki-rangko chimongna jotton ka·engkua.
Na·simang iakoba nina man·gen:
Na·simang iakoba poraina man·gen: Mande badingsrukgipa sakdok manderangko Tinsukia-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
