Shillong, Jun 10: Raja Raghuvanshi-ko saljrakjrakon Wei Sawdong Falls-o, matnanga man·gipa mande sakgittam, uni jikgipa Sonam-ni mikkango so·ote galaha ine Mongolbar salo Meghalaya a·dokni police-rang parakataha.
East Khasi Hills a·jani SP Vivek Syiem-ni kobor ra·timgiparangna parakani gitade, re·anggipa May jani 23 tariko Sonam, uni segipa aro matnanga man·gipa mande sakgittamkon Wei Sawdong Falls-ona rimangaha aro uano ia manderang Raja-ko Sonam-ni mikkangon so·ote galaha.
Raja-ni jikgipa Sonam, uamangni re·bachengonin uni ‘mikchagipa’ Raj Kushwaha baksa phone gita message ka·grikrongachim aro Raj Kushwaha-sa, ia mande sakgittamna uamangni gimin koborko on·timskaaha ineba SP aganaha.
Police-rangni am·sandie man·ani gitade, Raja aro Sonam-ni Nongriat-o waltuengmiting somoioba ia mande sakgittam, dingtang homestay-o waltuskaaha aro uandaken pringgipino uamangko, Raja aro Sonam baksa Mawlakhiat-chipakna doangengmitingko tour guide saksa nikrikaha.
“Chinga sakkirangko man·anio pangchakesa am·sandianirangko dakaha,” ine Syiem aganaha.
Matnanga man·gipa manderangni kosako police-rang bakan chargesheet ka·na miksongenga ineba SP aganaha.
Na·simang ia video-koba nina man·gen:
Na·simang iakoba poraina man·gen: Sohra-o Raja Raghuvanshi-ko gisik ra·e mande ra·a, national media-ko kema bi·china konta 24 on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
