Boko, Jun 11: Assam a•dokni Kamrup a•jao donggipa Marabhita songo, Rabha Hasong Autonomous Council (RHAC)-na u•iatchenggija ma•mong sorkarini Indian Institute of Management (IIM)-ko kulina miksonganiara council-ni niamrangko re•badeani gita ong•enga ine dingtang dingtang dolrangni nangrime bikotgipa Rabha Joint Forum (RJF) matnangatenba, iandakgipa institute-rangko kuliengon, Tribal a•jarango ja•rikgipa niamrangko rakkichina didiataha.
Assam a•dokni Kamrup a•jao donggipa gital IIM-ko kulina India sorkari parakmanaha ine re•anggipa June 2 tarikosan, Assam-ni Chief Minister Himanta Biswa Sarma, ‘X’ social media-o parakatahachim aro uni ja•man Chief Minister an•tangan jolni MLA aro sorkari official-rang baksa ia biapkoba niangahachim.
Indake ong•engon, Mongolbar salo RHAC-ni Executive Membor Sumit Rabha aro gipin membor-rang baksana RJF-ni dilgiparang, dingtangmancha press conference-ko ong•atangenba, Tribal-rangni a•jao RHAC-ni maming u•iatani gri IIM-ko kulina miksonganiara niamni a•palo ong•enga ine parakatskaaha.
Iani bidingo RJF-ni membor-rang, Palashbari-ni MLA Hemanga Thakuria-koba matnangataha.
Apsan daken, All Rabha Students Union (ARSU) Bholaganj-Borduar committee-ba iani bidingo sorkariko jegalataha aro a•dok sorkari, Rabha dolrang baksa agangrikjagenchimode Supreme Court-o badi ka•doanggen ine ka•mikkenataniko on•angaha.
Indake ong•engon, ia biapko niangani ja•man Assam-ni Chief Minister Himanta Biswa Sarma, kobor ra•timgipa manderang baksa agangrikangskaengon, ia biapo IIM-ko kulianio RHAC-ni niamrangko ja•rikchina dabiengani gimin ua iani bidingo RHAC-ni dilgiparang baksa agangrikgen ine ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Manipur CM-ko chel•chaksoenggipa sipai dolrangko chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
