Shillong, April 29: Ri-Bhoi a·jani Boirymbong-o, ATM cha·oani case-ko bilsi 2 ja·man matchotatna man·an baksana a·doksa a·dokgipinoniko ATM-oniko tangka cha·ogipa dolni sak 6 manderangko rim·aha.
Giri Prasad-ni aganani gitade, batanggimin 2024 bilsini April 5 tariko, Meghalaya Cooperative Apex Bank Ltd-ni ATM-oniko tangka cha·oaha aro iani bidingo Umiam Police Station-o Bhartiya Nyaya Sanhita-ni ning·o case-koba segataha.
A·bachengo chu·onga gita sakki-rang dongjani a·selo, ia case-ni bidingo am·sandianiko dakna a·gipibatgipa police officer-ni ning·o special team ba dolko Shillong-o bikotaha. Meghalaya, Assam aro Haryana Police-ni dakchakanichi ia ATM-oniko tangka cha·ogipa dolrangko rim·na man·aha. Police-rangni aganani gitade, ia cha·ogipa dolrang ATM-o tangka chipchakgipako okdrakna gita matsramgipa ostrorangko jakkalani gisepon, uamang diltua biapo donggipa ATM-rangoniko mongsongbate tangkarangko cha·oaniko dakrongbata ineba u·iataha. Iano jak donggipa gipin manderangko sandina gita police dolrang am·sandianirangko dakengkua.
Na·simang iakoba nina man·gen:
Na·simang iakoba poraina man·gen: Khasi Hills-o gital rokomrangni seng•wat ma•gniko scientist-rang nika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
