Shillong, June 4: Budbar salo, Meghalaya-ni Ri-Bhoi a·jao donggipa NH-06 joljol Shangbangla minggipa biapo pringni 4 bajimango rama a·sel ong·anio Assam-ni bilsi 25 ong·gipa Namrata Borah janggitangko gimaataha.
A·selo ga·akgipa, AS 01 EV 9578 registration number donggipa Hyundai Alcazar gariko, Assam Haripur-ni bilsi 33 ong·gipa, MD Ismail Hoque Choudhury, sak 5 gadopagiparang chong·motan bilsi 39 ong·gipa Anayatul Watus, bilsi 25 ong·gipa Gayatri Borah, bilsi 29 ong·gipa Pragya Dihingia, bilsi 26 ong·gipa Meriganka Borah aro bilsi 25 ong·gipa Namrata Borah, maangko Shillong-oni Guwahati-ona salbaengachim.
Gari salenggipa driver a·sel ong·gipa biapo gari gipinko batsekna jotton ka·mittingosa, dondikate donenggipa u·ina man·gijagipa truck bolsao chagakeaha. Ia chagakeanio Namrata-ni sko-o bilongbee matako man·ahani gimin una ta·rake sana bananiko on·a gita Nongpoh-ni Civil Hospital-ona ra·angahachim, indiba uko siakosa ra·baaha ine hospital-ni gita parakataha. Niamni gita pilak kamrangko matchota jaman Namrata-ni manggisiko Nongpoh-ni Civil Morgue Room ba sigiminrangko donram biapona porikka ka·aniko dakna gita ra·angaha. Iani gisepon, a·sel ong·gipa biapona police dolrangni sokangna skangan gari-ko Guwahati, Assam-ona ra·angaha ine nikna gita man·aha.
Na·simang ia video-koba nina man·gen:
Na·simang iakoba poraina man·gen: Sohra-oni Insan Hamesha Lyndem Taiwan-ona scholarship man·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
