Nongpoh, August 7: Mongolbar salo, Ri-Bhoi police dolrang pekgipa bostu jakkalaniko bon·atna am·sandianiko dakanio sak 3 manderang baksana changgni dake am·sandianiko dakanio heroin aro ganjarangko man·aha.
Koborrangko man·soenba, Nongpoh-ni Umlyngkdait-o skanggipa am·sandianiko dakanio, Assam Barpeta-ni Jamal Uddin-ni bilsi 36 ong·gipa depante Sirajul Haque-oniko police dolrang ge 5 sabon baksorango chipgimin heroin-rangko man·aha. Police dolrang uko rim·enba, uoniko ML 10 C-4833 registration number donggipa Scooty bolsa, mobile phone bolsa aro jollonggakoba ra·angaha.
Byrnihat-o 2-gipa am·sandianiko dakanio, police dolrang ML-10C-3646 registration number donggipa car bolsako dongdipate sandie nion kg 2.047 mangni gita ganjarangko man·aha. Uamang Nongpoh Iewmawlong-ni bilsi 27 ong·gipa Franky Marsing aro bilsi 24 ong·gipa Shan Sylliang-ko rim·aha. U·iatani gitade, ia rim·a man·gipa ganjarangko uamang courier gita Chennai-ona watatna siengachim. Ia minggni case-rangkon Nongpoh Police Station-o segatangaha.
Senior Superintendent of Police Vivekanand Singh, pekatgipa bosturangko badingsrukaniko champengna police department on·kange kamrangko ka·enga aro ka·dongna man·gipa koborrangko man·a ong·ode mikkangchiba ja·ku de·aniko dakangkugen ineba aganangaha.
Na·simang iakoba nina man·gen:
Na·simang iakoba poraina man·gen: Search & Rescue aro First Aid Training Program-ko SGH-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
