Shillong, July 11: Meghalaya a·dokoni Mount Everest a·briona doanggipa Rifiness Warjri, uni Mt. Everest a·brioniko chimongbagipa rong·terangko Directorate of Mineral Resources-na Bristibar salo pakwate on·eaha.
Warjri, bilsi 20-san ong·kuenggipa chadambe ong·a aro a·dokoni Mt. Everest-ona donggiparangoni dambebatsranggipaba ong·a. Indake Warjri baksa doanggiparangoni sakgittam de iana skangba ia a·briona doangman·giparang ong·a aro ia rong·terangko uamangni pakwateaniara a·doktangko gisik ra·kamna aro chadambeskarangna didianiko on·a miksonganio on·eani ong·achim.
Ian 2012 bilsio Discovery Channel-ni photographer Gary Jarman Lamare, 2013 bilsio Armed Police Constable Wansuk Myrthong aro 2016 bilsio NCC-ni gitcham cadet Dolyne Kharbhih-ni chimonge ra·bagipa rong·terangko pakwateani ja·chong gisik ra·na ine Warjri-ba rong·te rangko chimonge ra·baani ong·a.
Rifiness Warjri, batanggimin bilsio ia rong·terangni sample-ko ra·aha aro Mineral Resources-ni Director Mardondor Tongper-ba pakwataha.
Ia rong·terang Everest-ni chon·gipa bakrangsan ong·aija indiba ian ka·dongani, on·kangani aro a·dokni chadamberangni gisiko nanganiko mesokani ong·a ine aganan baksa ia ra·bagimin gamchatgipa bosturangko uamang name ripinge rakkianggen ine Tongper aganaha.
Everest-ona doanganian uni dake nigipa kamrangoni rakbatsranggipa ong·a, indake ong·genchimoba, mandeo tarisamsoani, bebe ra·ani aro dakna jotton ka·ani dongode je miksonganioba chu·sokna man·gen ine skia man·aha ine Rifiness aganaha.
Indake nina re·bagipa, chadamberang aro mountaineer-rangna didianiko on·a gita ia Everest-oni chimongbagipa rong·terangko Directorate-ni biapo mesoke donanggen.
DMR-ni dilgipa, DMR-ni Officer aro gipin staff-rangni dongpaanio Rifiness-ko mande ra·e rimchaksoaniko dakangaha.
Na·simang ia video-koba nina man·gen:
Na·simang iakoba poraina man·gen: Assam a·doko doctor ine tol·gipa sak 4 manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
