Shillong, June 1: Apsan dondime chanchirimenba gimikni namnikaona sokkuja dipetde dingtang dingtang sorkarini kamrangna mande rim·ani kamrangko dondipatchengkuna nanggen ine a·dokni Cabinet Minister aro sorkarini ku·wattimgipa Dr M Ampareen Lyngdoh, Bristibar salo aganangaha.

Ma Ampareen ia kattarangko, sorkarini kamrangna mande rim·ani pilak dakgipa kamrangko dikdiksana dondipatchengchina gita a·dok sorkarioni u·iataniko on·angani salsa ja·man parakataha.

Roster system-ni gimin chu·gimik ong·gijagipa chanchianiko ra·na gita man·jawa maina democracy ong·ani gimino, ia mamlao sakantini agan-ku·pattiani aro aganpaanirang namen gamchata ine janapangengon, Ma Lyngdoh, roster system-ni gimin a·dokni pilak political dolrang gisiksan ong·e chanchiani ja·manosa chinga, sorkarini gitaba nangchongmotgipa u·iatarangko on·anggen ine parakataha.

“Ia nangchongmotgipa chanchirimanio hai an·ching sakantikon bak man·atna, saoba maioba neng·nikani ba chu·ongnikgijani dongode uko mesokchina aro iani ja·man chinga re·baenggipa anti-gitttamni ja·mano iani gimin nambate aro talbate ma·sina gita man·naba donga ine parakatan baksa, iani gisepon Committee-ni tik ka·gimin gita aro sorkarina agan-ku·pattigimin gita ia mamlani bidingo chanchirimanio jinma namnikgrikaona sokkuja dipetde sorkarini kamna mande rim·ani kamrangko dondipatchengna gita nanggen ine minister aganangtaikuaha.

Iakoba poraie nina man·gen: Trak gari salpake, Rongkhugre songo bilsi 12-ong·gipa bi·sa saksa sia, sakggipin jokkom ong·a