Guwahati, Jan 10: Sonibar salo Rourkela-oni Bhubaneswar-ona bilangenggipa mande saksku asongna man·gipa private airline-ni sildoreng bolsa Rourkela-o bilonchokenba sakdok manderang mata-buanirangko man·aha.
Koborrangko man·soani gitade, ia sildorengo saksni manderang, chong·motan sakdok songregiparang aro saksa pilot re·angengachim. Rourkela-oni kilometre 10-15mang ong·engpition, sildoreng an·tangtangan bilonchokaha.
Rescue team-rang a·sel ong·gipa biapona sokangenba, a·selo ga·akgipa manderangko sanna-bana hospitalona rimangaha.
Ia obosta maini a·sel ong·aha uko da·o dipet u·ikuja.
Uandake ia a·sel ong·ani bidingo sandie nina Bhubaneswar-oni tourism department-ni manderang re·bagen ine koborrangko man·aha.
“Saksku asongna man·gipa bolsa A-1 private sildoreng, sakdok manderangko gate Rourkela-oni Bhubaneswar-ona bilangengmitingo a·sel ong·aha. Songreanggipa manderang bang·gija mata-buanirangko man·aha aro kengnioni naljoke dongenga. Ia a·sel Rourkela-oni kilometre 10 chel·ao donggipa Jalda-o ong·aha. Isolni ka·saanichi, ia dal·gipa a·sel ong·jaha,” ine Odisha-ni Commerce and Transport Minister B.B. Jena kobor ra·timgiparangna parakataha.
Na·simang iakoba nina man·gen:
Na·simang iakoba poraina man·gen: Myanmar-ni Pangsau jolo NSCN-K -ni (AM faction) sakgni cadre-rang goa man·e sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
