Baghmara, Jun 18: Budbar salo, South Garo Hills a•jani bilsi 33 gapaniko maniangaha aro ia manianio, Meghalaya a•dokni Chief Minister Conrad K Sangma baksana Power Minister AT Mondal, Sports Minister Shakliar Warjri, PHE Minister Marcuise N Marak, Education Minister Rakkam A Sangma, Mahendraganj MLA Sanjay A Sangma, Baghmara MLA Kartus Marak, Chokpot MLA Sengchim Sangma aro GHADC-ni Chief Executive Membor Albinush Marak-ba bak ra•angaha.
South Garo Hills a•jani bilsi 33 gapaniko manianio, a•dokni Chief Minister, jinmana aganprakangengon, South Garo Hills a•jao namroro silroroaniko ra•bana gita sorkarini on•kange kam ka•anirangko janapatenba, 2018 bilsionin South Garo Hills a•jao namroro silroroaniko ra•bana gong crore 1400-ni dingtang dingtang project-rangko ra•bae on•aha aro da•o re•baenggipa bilsigni ba bilsigittamni gisepon gong crore 1800 tangkarangko World Bank scheme-ni ning•o chamdapangkugen ine parakataha.
South Garo Hills a•jao nitogipa aro ong•telaigipa biaprang bang•ani gimin aganangengon, samtangtango donggipa buring bolgrimrangko aro chiring chibisikrangko ripinge rakkiangkuchina gita Chief Minister, South Garo Hills a•jani manderangko didiangaha.
Ia tom•anio a•dokni Chief Minister, Meghalaya Economic Inclusive Program (M-EIP) aro CM Fellowship-koba a•bachengate on•angaha aro MegCARE-ni namgniko man•enggipa manderangna dingtangmancha cheque-rangkoba suale on•angjolaha.
Ia apsan somoion ua, synthetic athletic track-na aro Captain Williamson Government Higher Secondary School-na gital nokko rikna gitaba pangchakaniko songe on•angaha.
South Garo Hills a•jani bilsi 33 gapaniko maniani bak gita ia salo, ia bilsini SSLC aro HSSLC porikkarango name chu•sokgipa skulrangna aro chatro chatrirangna certificate-rangkoba sualangaha.
Ia tom•anio a•dokni Education Minister Rakkam A Sangma aro Sports Minister Shakliar Warjri-ba jinmana aganprakengon, a•doko pilakni gitan namroro silroroaniko ra•bana Chief Minister Conrad Sangma-ni ka•dilenggipa kamrangni gimin janapangaha.
Na·simang ia video-koba nina man·gen:
Na·simang iakoba poraina man·gen: Assam sorkari sak 400 doctorrangko kamna seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
