Shillong, Dec 1: India a·songni salgro salaram jolrango, ong·telaigipa a·salrangchi gama ge·aniko niksenggipa ong·atna gita miksonganio, re·anggipa Sukrobar saloni a·bachenge APEDA Buyer-Seller Meet, skanggipa Northeast India Organic Week aro brigipa IFOAM World Organic Youth Summit-ko salbrina Shillong songjinmao ong·atenga.
Ia program-ko Meghalaya a·dokni Agriculture department, India aro gipin a·songrangni company-rang baksa nangrime ong·atenga aro ia program-ko Shillong songjinmani Courtyard by Marriot-o a·bachengatanio dingtang dingtang dilgiparang aro official-rang, jinmana aganprakangengon, salgro salaram a·dokrango sam-bolrang aro matburingrang dongan baksana chengonin ong·telaigipa a·salrangchi game ge·e cha·giparangsa ong·ani gimin India a·songo ong·telaigipa a·salrangchi gama ge·aniko tang·doatanio dakmesokgiparang ong·na gita namgipa ong·a ine aganaha.
Ia program-ko ong·atanio Shillong-o International Organic program-ko ong·ateng-koba ong·atjolahani gimin ian gipin a·songrangoni bregiparang aro salgro salaram jolrango game ge·e cha·giparangna apsan gronggrike agangrikna cholrangko on·ani gita ong·aha.
Ia apsan program-on Northeast India Organic Week-koba manijolengani gimin ian salgro salaram jolrango ong·telaigipa a·salrangchi game ge·e man·gipa bosturangko mesokna aro palna sim·na gita namgipa chol ong·enga.
Una agreba ia brigipa IFOAM World Organic Youth Summit-ko ong·atanio, dingtang dingtang a·songrangoni chadambe dilgiparang bak ra·e, gama ge·ani aro dingtang dingtang kamrangni bidingo agangrikna cholrangko man·enga.
Na·simang iakoba nina man·gen:
Na·simang iakoba poraina man·gen: Kamrup a•jani ARSU, Boko-o Highway Blockade-ko ong•atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
