Shillong, Sept 13: Re·anggipa anti Sukrobar salo a·gilsakko wate re·anggipa Mawphlang-ni MLA Pa SK Sunn-ko dingtangmancha mande ra·ani chin gita Sombar salo Meghalaya Assembly-ni tom·ani ba Autumn session-ko salgipinona dontongataha.
Assembly-o tom·engmiting somoio manderangna dangdike on·china seoke watatako man·gipa MLA jensalo a·gilsakko wate re·angahaon House-ko salgipinna dontonga ine Assembly-ni agan-chalaitimgipa Pa Metbah Lyngdoh u·iatangaha.
Indake ong·engon, Sombar salo Assembly-ni tom·bimonganio, sianggipa mandeni janggi jangani gimin kan·dike seanikosan mangmang poraiange tom·aniko Mongolbar salona dontongataiaha.
Janapna gita, da·o MLA ong·e a·jatangni manderangna dangdike on·enggipa Pa Sunn sagi mija September 10 tariko Covid-19 saaniko man·e a·gilsakko watangaha.
Assembly-ni tom·engmiting somoio a·dokni MLA-rangonide uan sichenggipa ong·a aro batanggimin 2018 bilsio Assembly eleksinko ong·ataoni a·gilsakko wate re·anggipa MLA-rangoni bongagipa ong·enga.
