Guwahati, June 18: Assamni Sivasagar a·jani Barichuk-Bhatiapar-o June 12 tariko ONGC well RDS-147A gas selanio ong·gipa obostarangko Assamni skotong minister Dr. Himanta Biswa Sarma Union Petroleum Minister Hardeep Singh Puri-na June 17 tariko chittiko see an·tangni jajrenganirangko parakataha.
ONGC-ni technical kamrang jekai water blanketing aro uandakgiparang dakanirangchi obostako namdapatna man·jaenga, gas donchakgipa well-o sinjetanirangko man·kuenga, uandake te 330 nokdangrangni manderang noktangtangoni kate chake da·o sorkarini relief camprango dongenga ine Sarma sedoataha.
Ia obosta ru·uta salrangna ong·engahani gimin wilwilao donggipa songrangna neng·nikanirangko on·enga aro ONGC iani bidingo gisik nange kamko ka·jaenga ine Sarma matnangaha. Ua an·tangan June 16 tariko obosta ong·gipa biapona re·ange nieaha aro kate chakenggipa manderangna man·a dipet aro ta·rake dakchakaniko on·gen ine ku·chakaha.
ONGC-ko uamangni technical kamrang aro dilgiparangko a·sel ong·gipa biapo nambate kam ka·na aro obostako namatna ja·kurangko de·na didichina Sarma ma·mong sorkariko mol·molaha.
ONGC, songdonggipa manderangna ka·donganiko on·piltaina nanga ine skotong minister uamangko manderang baksa bakrimna didiaha.
Na·simang ia video-koba nina man·gen:
Na·simang iakoba poraina man·gen: Assam-ni koila a·damo nikronggija fossil-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
