Shillong, Jan 8: A·dokni dakchakgipa skotong minister Pa Prestone Tynsong, PHE minister Pa Renikton Tongkhar, PHED-ni Commissioner aro Secretary Pa Syed Md Andaleeb Razi aro Mawlai-ni MDC Pa Teiborlang Pathaw-maang gimikni dongpaanio, Meghalaya-ni skotong minister Pa Conrad K Sangma, mija Sonibar salo Mawlai-o programko ong·atanggipao Um Shillong Lummawnei, Umthlong, Mawiong & Block 13 Water Supply Scheme -na pangchakani ro·ongko songe on·angaha.
This project was pursued 10 years ago but was abandoned due to funding issues.
Laud the efforts of MDC Sh. Teibor Pathaw & PHE Minister Sh. @ReniktonLyngdoh for reviving the project and we look forward to start it at the earliest for the benefit of the 4 localities. pic.twitter.com/pwE7OEppuj
— Conrad Sangma (@SangmaConrad) January 7, 2023
Jal Jeevan Mission-ni gita chu·gimik korosna gong kror 95,38,22,518.00-ko chamenggipa project-na pangchakaniko songe on·angmitingo, skotong minister Pa Conrad K Sangma-ni jinmana aganprakanganio, Jal Jeevan Mission, ian Meghalaya a·dokna aro India sorkarina namen gamchatbegipa program ong·a ine parakatan baksa, batanggimin 2019 bilsio Jal Jeevan programko jensomoio Meghalaya-o a·bachengaton .75 percent -mang nokdangrangnasan chi pipe-rangko sale on·na gita man·aianichi Meghalaya a·dok namen ja·manchakbatgipa gadangosa ong·aiachim, indiba da·alo ia kamo chu·sokbatenggipa a·dokrangoni Meghalaya-ba damsa ong·paaha aro Jal Shakti Minister an·tangba iako ra·chakmanaha ine skotong minister parakataha.
Ia chu·sokaniona sokdona gita gisiko nangbee on·kangani gnang kamko ka·ahanina PHE department-ni pilak officialrang, PHE minister aro ka·mabatgipa gadango donge kam ka·enggiparangko skotong minister dingtangmancha de·mittele aganangan baksa, nokantina chirangko sale on·ani kamo chu·sokengani gimin ma·mong sorkarioniko bilsi-gnina joljol tangka-paisarangkoba man·sodapaha aro ian pilak bak dongpagipa gimikni on·kangani aro gisiko nanganiko kamchi mesokani ong·chongmota ine Pa Sangma aganangkuaha.
India sorkarini nisanko donsogimin gita re·baenggipa 2024 bilsio nokantina chi pipe-rangko sale on·ani kamrango chu·sokgipa bang·gija a·dokrangoni Meghalaya a·dokba damsa ong·pagen ine u·iatengon, chinga ia programko 2022 bilsion chu·sokatna gita krenge kamko ka·ahachim indiba bang·bea neng·nikanirangko chagrongani a·sel ia kamko 50 percent-san matchotatna man·engpiti, indake ong·genchimoba, India sorkarini dongimin somoio Meghalaya a·doko ia kamko chu·gimik matchotatna gita a·dokni manderangna ka·dongataniko on·enga ine skotong minister agandapataha.
