Shillong, Sept 10: Deputy Chief Minister Sniawbhalang Dhar, Smart City Mission-ni ning·o ka·enggipa kamrang ia bilsini July jao 77.81% mangni gita matchotaha ine Assembly-o aganangaha.
VVP-ni legislator Ardent Basaiawmoit, a·dok sorkari lekka pora skie ra·ani aro manderangni janggi tangani gadangko namdapatani pal dal·dalgipa building-rangko rikaninasa agre gisikko on·batenga ine aganangaha. Skanggipa phase-o ia kattarang ong·engnaba donga ine Dhar aganengon, 2-gipa phase-ode uamang gipin nangchongmotgipa project-rangkoba man·chapatgen ine ua ku·rachakaniko dakangan baksana a·dok sorkari Shillong-ni Governor House, Mawphrem aro Laitumkrah-o kror 5-ni open-air gym ba bangbanggipa biapo be·en ranta ka·chakramko tarienga ineba aganangkuaha.
Polo Commercial Complex-ni bidingo janapatengon, Union Finance Minister adita somoirangna skangan iako nokdonggae on·angaha ine Dhar u·iatangaha. Ia complex-o ge 109 dokkanrang gnang jekon jakkalna gita tariengaha ineba janapataha.
Polo Complex-ni mangraka mangrakgijani ba nama namgijaniko name nianirangko dakahama ine Opposition-ni dilgipa Mukul Sangma-ni sing·anina, Department-ni gita chu·gimik name nianiko dakmanaha ine Dhar aganchakaniko on·angaha. Una agreba Mukul Sangma, Smart City-ni CEO nangana bate badee dormaha-rangko oke ra·enga inani bidingo sing·doaniko dakaton, Dhar iani bidingo che·em che·em talate on·ade somoi nangkugen ine u·iatanagskaaha.
Skotong Minister Conrad K Sangma, sorkari jensalo Polo building-na tender galna okamon darangba gisiko mesokaniko mesokjaha ine talate on·angaha. Indiba da·o a·dok sorkari gadangprak dake ba kutturiprak dake on·a chanchienga aro ta·raken iani bidingo tik ka·anggen inenba ua aganangkuaha. Indake ong·engon, sorkari tangka paisarangko man·a gita kragipa niamrangko ja·rikna nanggen ine u·iatani gisepon, kamrangko nakatatna gita gipin project-rangkoba mikkangchi ra·bagen ineba ua ku·rachakanikoba dakangaha.
Na·simang iakoba nina man·gen:
Na·simang iakoba poraina man·gen: Bilsi 5-ni gisepo sak 500 doctor-rangko sorkari ra•dapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
