ROOPAK GOSWAMI
Shillong, April 15: Gokge rokomsa, jekon Sohraosan dongaia ine chengonin bebera•achim uako South West Khasi Hills joloba nikaniara Meghalayani biodiversity-ko u•i-ma•sianio watchanganirangko mesoka ine am•sandigiparang aganenga.
Cyrtodactylus khasiensis ma•chongoni gokgeko Khasi Hillsni Cherapunjee jolosan nikbatrongachim. Gital am•sandie nianio pangchake uako saliram jolchipakba donga ine rim•a man•aha.
Am•sandigiparang nikaha je, South West Khasi Hills jolni gokge nikrongbewal gokgerangoni on•titisan dingtangaianian apsan ma•chongni gokgerang ine mesoka aro a•dokni ning•o donganiko apalatenga.
Sandie nikanigitade, gokgerangna dongchakna namgipa biaprang Meghalaya jolna agreba apalbata. Sandigimiko European Journal of Taxonomy-o parakaha jekon Sanath Chandra Bohra, Arnab Deb, Goldenstar Thongni, Rupankar Bhattacharjee, Lal Biakzuala, Hmar Tlawmte Lalremsanga, Pranjal Swargiary aro Rita Roy dakdilaha.
Meghalaya jolniko sandie nikani baksana, gital ma•chongni ja•si kom•gipa Cyrtodactylus jayadityai gokgeko Tripuraoniko am•sandigiparang nikaha, jean Salgro-Salaram jolo dongnue dongipa malamgipa janggirang bang•a ine mesoka. Ua ma•chongko (species) Assamni herpetologist Dr Jayaditya Purkayastha ni bimingchi mingaha.
Tripura ge•gni mongsonggipa biogeographic zone-rangni nangtimramo ga•aka – salarachim Indo-Burma a•bri-ja•rekrang aro Bangladeshchipak dakonanggipa buring-silangrang, jean buring-bolgrim aro dongchakramko ong•ata.
Gital ma•chongni gokgeko Salgro Tripura districtni 200 meter ongipa a•kawe joloniko nikaha, jean Mizoramni sepang Jampui Hillsoni bang•e chel•ja. Ua jolo, apsan ma•bipekni gipin ma•chong rokomsakosan nikaingpitti, jean ua jolko am•sandiani komikuenga ine mesoka.
Maikai gipin jolni biaprangoba ua ma•chongni gokgerang donga uako namedake u•ina am•sandigiparang bang•bata sandianirangko nangkuenga ina.
“Ua jolrang, buring bolgrim aro silang-a•darerang jerangkon galchipa, uarangoniko dingtangmancha re•e-doe aro wene ta•raken sandianiko chinga nangnika” senokgiparang agane, indakjaode indakgipa micro-endemic species gimaaniona soka ineba mikrakatjolaha.
South West Khasi Hillso Cyrtodactylus khasiensis-ko nikaniara a•dokni biodiversity-ko chu•gimik sandiani dongkuja ine mesoka, mongsongbate Sohra jolrangna agre. Galchipgipa districtrangko apalbate am•sandianichi bang•batarangko aro gital rokomrangko Meghalayani buringrango nikgen ine am•sandigiparang agana.
Na·simang iakoba nina man·gen:
Na·simang iakoba poraina man·gen: Nirupama Memorial School Achieves 100% Result, Honours Students in Felicitation Programme
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
