Shillong, June 11: Kherapara sambao donggipa diltugipa songni an·o donggipa ma·gipa saksako, songni manderang aro health worker-rang wa·aoniko chilchakaniko tarie buringraragipa ga·nanggijagipa rama gita ra·ange sanram biapona sokatna dakchakaha.
An·o donggipa ma·gipa saksani bi·sa an·pakna siani koborko man·soa ja·man, sana bananiko on·gipa dol chong·motan Auxiliary Nurse Midwife (ANM) Merybell B. Marak, Mid-Level Health Provider Ritngenlang M. Umlong, aro Health Supervisor Lilysa Ch. Sangma, ta·raken ua songona dariangaha. Bi·sa an·pakani somoio neng·nikanirang ong·batroroani a·sel, nambata sana bananiko on·a gita uamang an·pakna sigipa ma·gipako Kherapara Primary Health Centre (PHC)-ona ra·angna tik ka·angaha.
Ua songona rama dongjani a·sel, songni manderang an·o donggipa ma·gipako sepangbatgipa gari man·gipa ramaona sokatna gita km 10 ong·gipa neng·begipa rama gita wa·aoniko tarigipa chilchakanio chilangenba sana bananiko on·gipa dolrangna dakchakani on·angaha. An·o donggipa ma·gipako naljokenba Kherapara PHC-ona rimangaha aro uno ua ma·gipa kg 3.3 ong·gipa me·chik bi·sako an·pakeaha.
Health official-rang, ian Meghalaya a·dokni diltugipa biaprango donggipa ma·giparangna dakchakaniko on·a uamangni on·kange kam ka·aniko mesoka ine aganenba, sana bananiko on·gipa dolni nambegipa kamna aro songni manderangni dakchakaniko on·ahanina de·mitelataha. Bi·sa an·pakdaldal ma·gipa aro bi·sa da·o an·seng baljoken dongenga.
Na·simang iakoba nina man·gen:
Na·simang iakoba poraina man·gen: Gimaenggipa sak 6 Naga manderangni sigimin manggisirangko Manipur-oniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
