Shillong, Sept 25: Adhoc shool-rangko deficit gadangona ra·dona dabianiko a·dok sorkari knachakjana kingking Federation of All School Teachers of Meghalaya (FASTOM) uamangni jegalanirangko dakangkugen ine Bristibar-o brigipa sal ga·tapon, jegalanirangko dakenggipa skigiparang parakataha.
Adita salrangna skang adita sak skigiparang education minister Lakhmen Rymbui-ko grongon, rai-ko ra·na skang a·doko donggipa skulrangni bidingo namedake nipilanirang aro am·sandianirangko dakgen ine minister uamangna aganaha.
Meghalaya Education Grant-ni proposal-ara a·bachenggipa gadangrangosa ong·ainga, aro uarangko ra·gatani bidingo adhoc skigiparang jajaenga ine FASTOM-ni vice president S Jungai media-ni manderangna parakataha. Unbaksana adhoc skigiparangde sorkari-ni rai ra·aniko sengkame dongna man·jawa ineba ua janapaha.
“Ia grant-ko ra·gatgenma ra·gatjawa, chingade adhoc skigiparang ong·e u·ija. Uni gimin chinga chingni dabianikon dakangkuaigen, aro uara adhoc skulrangko deficit gadangona ra·doani ong·a,” ine ua aganangaha.
Skotong minister-ni office-ona chang-dokna gisik ra·attaianirangko on·ani ja·manoba sorkarioni mamung aganchakaniko man·gijaninaba uamangni duk ong·aniko Jungai parakataha, aro skotong minister uamangna aganchakjana kingking jegalanirangko dakangkugen ine ua aganangaha.
Uandake, tangka-paisarangni neng·nikani a·selo adhoc skigiparangni dabianirangko chu·sokatja ine sorkari aganchakronga ine Jungai janapaha.
“Indiba, sorkari iako dake on·na sikmanchagenchimode, tangka-paisarangni neng·nikani donggen ine angade chanchija,” ine ua agandapaha.
Indake uamang a·dok sorkarioniko uamangni man·na nangani gita dormaharangko aro gipin man·gnirangkoba on·gen ine a·dok sorkarini see on·aniko dabienga ine vice president aganangaha.
Adhoc skigiparang skotong minister-ni ra-iko sengenga ina una aganchinaba uamang education minister aro commissioner & secretary-koba mol·molaha.
Adhoc skigiparangni dormaharang da·o lower primary gadango Rs. 18,000-oni a·bachengenga, upper primary-o Rs 22,000-oni a·bachengenga, secondary-o Rs 29,000-oni a·bachengenga, science-ni skigiparang Rs 31,000-oni a·bachengenga aro higher secondary gadango Rs 33,000-oni a·bachengenga.
Na·simang iakoba nina man·gen:
Na·simang iakoba poraina man·gen: Sathegre FC, TFL 2nd Division-ni final-o chu·sokgipa ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
