Tura, Nov 20: Dadenggre constituency-o ong•atgipa dingtang dingtang program-rangona an•tangko okamrongja ine Dadenggre MLA Rupa M Marak, a•dok sorkari aro district administration-ko matnangataha.
Marak-ni parakatani gitade, Dadenggre constituency-ni ning•o donggipa dingtang dingtang biaprango, sorkarini program-rangko ong•ataniona uko okamrongja aro ian constituency-ni MLA-ko nichanggalani gita ong•a.
Adita salrangna skang, Jengjal Police Station-ni gital building-ko nokdonggaanioba uko okamatjaha ine an•tangni suk ong•gijaniko parakatengon, ian badiaba party-ni program ong•jachim indiba sorkarini program-sa ong•ani gimin local MLA-de dongpana nangachim ine Marak parakataha.
A•dok sorkari aro Airports Authority of India (AAI)-ni gisepo Baljek Airport-ko taridapna Memorandum of Understanding (MoU)-o soi ka•grikani program-ko ong•atgipani bidingo janapatskaengon, ia program-onaba uko sorkarioni aro district administration-oni darangba okamatjaha ine Dadenggre MLA, suk ong•gijaniko parakataha.
Marak-ni parakatani gitade, ia program-rangona NGO-rangko aro songni nokni Nokmarangkode okamataha indiba constituency-ni MLA-kon okamatjaniara, niamko pe•ani aro uko nichanggalani ong•a.
Constituency-ni namgnina aro manderangni namgnina ua pangnan ku•rangko on•rongani giminsa sorkari, uko opposition MLA ong•ani gimin iandakgipa program-rango bak ra•atna nangnikjaenga ine janapatengon, sorkariko chalaienggipa dolni manderang, uko jegita champengna jotton ka•genchimoba ua manderangni aro jolni namgnina ku•rang on•aniko dongjawa ine Marak parakataha.
Na·simang iakoba nina man·gen:
Na·simang iakoba poraina man·gen: 120 CFT mangni gita cha·ogimin bolrangko Tripura Forest Department am·sandie man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
