Ampati, Nov 24: Sukrobar salo, South West Garo Hills a•jani District Horticulture Office-ni gita, bija jilanio gisiko nanggipa manderangna Rerapara C&RD Block-ni ning•o donggipa Mellim songni kal•chakram biapo Honey Festival-ko ong•atangaha. Ia manianiko, Horticulture-ni Mission for Horticulture Integrated Development-ni bak gita ong•atangaha.
Ia manianio, Rerapara C&RD Block-ni Block Development Officer, Armand Ch. Momin mongsonggipa sokgipa ong•e bakko ra•e mikkim gnangatan baksa ia manianiko oprake on•angjolaha.
Ia manianio, Mellim songoni bija jilgipa bang•a manderang aro ua jolo songdongenggipa manderangba re•bae bakko ra•angaha.
Mellim songo bija jillanio gisiko nanggiparangna a•dok sorkarini gita dakchakanirangko on•engachim aro Apiculture Mission 2-ko a•bachengatanioba sak 110 bija jilgiparang skie ra•angaha.
Ia manianio, Mellim songoni bija jilanio gisiko nanggiparangna aro on•kange kam ka•anina mittelpilskaani gita certificate-rangkoba on•angjolaha. Unbaksana, uamangni nangnikanirangko aganna gita somoiko on•aton, uamangni bija jile man•gipa bitchirangko donchakna gita donchakram nokko tarie on•china uamang mol•molaha aro uamangna bija bitchirangko donchakna gita donchakram nokko rike on•gen ine Rerapara C&RD Block-ni BDO Armand Ch Momin ku•rachakaniko on•ataha.
Ia Honey Festival-ko ong•atania, a•jao bija jilaniko dakrongbaani giminsan ong•atenga ong•aija, sorkari aro bija jilgiparangni gisepo nangrime kam ka•anichi South West Garo Hills a•jao bija jilaniko apalbatatna man•gen ine miksonganian ong•achim.
Iakoba poraie nina man·gen: Karbi Anglong-o mongma ga•prete sak 4 sia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
