Tura, Feb 8: Ia bilsini Secondary School Leaving Certificate (SSLC) porikkako senasigiparangna re·baenggipa April jani 19 tarikoni a·bachenge May 3 tarikona ong·atanggnigipako da·al Sombar salo Meghalaya Board of School Education (MBoSE) parakataha.
Ian mija February jani 8 tariko MBoSE-ni Controller of Examinations-chi porikkako ong·atna u·iatanggimin gita ong·aha.
Indakeba janapjolna man·gen, ia bilsioba SSLC porikkako sak 78,000 oni sak 80,000 mangni gita senasigiparang donggen.
Adita salrangna skang, Higher Secondary School Leaving Certificate (HSSLC)ni Arts, Science, Commerce poraigiparangnaba Class XII-ni practical porikkako aro project work-ko ong·atangna re·baenggipa March jani 23 tarikoni April 1 tarikona donsogiminkoba MBoSE parakataha.
Indake ong·engon, ia bilsini HSSLC porikkako sak 40,000 oni 42,000 mangni gita senasigiparang donggen ineba u·iatangaha.
