Ampati, July 3: South West Garo Hills-ni me·chik Block Level Officer (BLOs)-rang, voter list-rangko Special Intensive Revision (SIR) ka·enggipani bidingo manderangna mikrakataniko on·anio skanggipa biapo ong·enga.
Uamang diltugipa songrangona re·angan baksana songni manderang baksa tom·anirangko ong·ate ia electoral roll-ko SIR dakna nangchongmotani bidingo mikrakataniko on·aniko dakenga aro vote pu·ona man·gipa manderangna uamangni gimin see rakkianirang ong·ama ong·ja uarangko nina aro taridapna nanganirang dongode taridape on·a nokantiona re·anganiko dakenga.
Electoral roll-ko Special Intensive Revision (SIR) dakani miksonganiara, vote pu·ona man·gijagiparangko bimung den·galani aro voter list-rango gualani donggenchimode uarangko taridapanian ong·a.
District Administration, me·chik BLO-rangko uamangni rake kamko ka·ani baksana songni manderang baksa nangrime kamko ka·anina rasongko on·e aganangaha. Uasan ong·aigija, uamang bang·bata manderangko ia bilsini election-o bak ra·atpana didianiko on·e, tik ong·gipa voter list-rangko rakkie election-rangko jakgitel aro mikkang nitea gri ong·atna on·kange kamko ka·enga ineba u·iatangkuaha.
Na·simang iakoba nina man·gen:
Na·simang iakoba poraina man·gen: A•chik actor Raj Sangma-na Most Popular Action Hero Award-ko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
