Imphal, May 20: Manipur-ni Ukhrul a∙jani Sinakeithei Village Authority-ni Tangkhul Naga tribal manderang, Naga People’s Front-ni MLA Ram Muivah baksa Budbar salo a∙dokni skotong minister Yumnam Khemchand Singh-ko grongeaha aro a∙doko so∙sojengjeng ong∙engani gisepo a∙dokni policedolrangko aro Indian Reserve Battalion-ko (IRB) nitimna watchina sorkariko didiangaha.
Una agreba uamang Sinakeithei police station-o chu∙onga gita police-ko donchina aro ua jolo donggipa Sub-Divisional Collector-ni (SDC) office-ko namedake chalaiatchinaba didiangaha.
Re∙anggipa adita jarangni gisepo silchidare ra∙bitgipa bobil dake chakatgipa dolrangni Sinakeithei songo songdonggiparango chadrapanirangchi uamangni gisepo kenani aro jajrenganirangko ra∙baaha. Uni gimin uamang chel∙chakaniko on∙china aro neng∙nikanio ga∙akenggipa manderangna pilak nanggipa dakchakanirangko on∙china sorkariko mol∙molangaha.
Uandake, Sinakeithei Village Authority Mahadev aro Sinakeithei songko nangdimatgipa sorokjoljol chel∙chakaniko on∙china sipai dolrangko dongtimatchina agana baksana ua jolo songdonggipa manderangna nambata sanna-banani cholrangko aro silroro-namroroanirangko ra∙bachinaba aganangaha.
Uamangna aganchake on∙engon, a∙doko pilak silchidarerangko jakkalanirangko dontongatanian dakna nangchongmotgipa kam ong∙enga ine a∙dokni skotong minister Khemchand Singh aganangaha. Manipur-o ong∙enggipa so∙sojengjengrangko namatna tom∙tomaniko ra∙baanichisan chol ong∙a inenba, kajia-golmalrangko ong∙atjachina aro meli-nangrimaniko ra∙bana ja∙ku de∙na chadamberangko didichina songni-nokni dilgiparangna aganangaha.
South Africa-o dingtang dingtang jatrangni gisepo meli-nangrimgijanirang donggenchimoba uamangni dilgipa Nelson Mandela-ni dilanichi a∙songo tom∙tomaniko ra∙bana man∙aha ine ua janapangaha.
Dingtang dingtang changa-sapanirangko skie on∙anirangchi non-government sector-rango chadamberangna janggi tangani cholrangko bikotna sorkari kam ka∙enga ineba Khemchand Singh aganaha.
Uandake, Border Security Force-ni dolgni sipairangko Sinakeithei jolo dongtimna watatanina songni manderang skotong minister-ko mitelaha aro Sinakeithei aro Ukhrul district headquarter-ni gisepo sorokko tarianina aro Ihang chibimani kosako Bailey dolongko rikna tangkarangko chamme on∙aninaba uamang a∙dok sorkariko mitelaha.
Na·simang iakoba nina man·gen:
Na·simang iakoba poraina man·gen: South Garo Hills-o nambatgiparangko niesa LDA-ni kamna ra•a ine DSC talata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
