Guwahati, May 20: Budbar salo, Assam-ni Skotong Minister Dr. Himanta Biswa Sarma, Assam-o git ring·anina mingsing minggamako man·gipa Zubeen Garg sagiko gisik ra·na tarigipa Zubeen Kshetra-ona re·angan baksana uno ka·enggipa namdapatani project-rangkoba nipilaniko dakangaha ine kobor ra·timgiparangna u·iataha.
Uni re·angani somoio ua git ring·anina mingsing minggamako man·gipa Zubeen sagiko mande ra·aniko dakangan baksana ia bigha 10-o tarienggipa project ta·raken nitobegipa aro mande ra·na kragipa biap ong·gen ine aganangaha. A·dok sorkari, election-na skang Zubeen Kshetra-ko namdapatgen ine ku·rachakaniko dakangaha aro da·o ia ku·rachakaniko chu·sokatna gita uamang krenge kamrangko ka·enga ine Skotong Minister Himanta Biswa Sarma u·iatangaha.
Iani gisepon, Public Works Department kror 3-ni boundary wall-ko man·chape, ua biapo a·a ruronganiko champengani cholrang baksana ia namdapatani skanggipa bakko a·bachengataha ineba ua u·iataniko dakangaha.
Skotong Minister Himanta Biswa Sarma, Zubeen Garg sagini namgipa dakbewal aro jatni bewalko ra·doani bewalko mikkangchi re∙baenggipa chasongrangna ripinge rakkina sorkari on·kange kamrangko ka·enga ine aganan baksana ua mongsonggipa memorial complex rikaniko man·chape ia complex-ko rikani 2-gipa bakko ta·rakatchina officials-rangna ge·etaniko on·ataha.
Na·simang iakoba nina man·gen:
Na·simang iakoba poraina man·gen: Tangkhul Naga dolrang CM-ko gronge, Ukhrul songo IRB-ko watatchina didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
