29.8 C
Tura
spot_img

Tika su•anichisa sabisiko champengna man•gen: WHO official

Must read

Shillong, Jan 14: Da•ororo giproroenggipa sabisini tikarangko su•na a•bachengna siengahaon, bang•a manderangan ia tikani bidingo ma•sisretengani gimin aro ia tikako su•na kentokengani gimin ian kenna nanggipa tika ong•ja aro ia tikako su•anichisa sabisini giproroaniko champengna man•gen ine World Health Organisation (WHO)-ni official parakataha.

Tikarangko re•baenggipa January 16 tarikoni a•song gimikon su•na siengahani gimin da•al Bristibar salni bako Meghalaya Health department-ni gita dingtangmancha media-ni manderangna State Media enactment workshop-ko ong•atangenba, ia tikarangni bidingo WHO-ni Surveillance Medical Officer Dr N Roy, agan-talate on•angaha.

Tol•e jangbingbanganirangchi manderangni gisepo ia tikani bidingo ma•sisretanirang ong•katengani gimin ia sabisiko sannani gipin cholrang dongja aro tikako su•anichisan sabisiko warachakna man•aigen ine Dr Roy talatangaha.

Sabisioni nampilgiminrangba a•songo sabisiko man•piltaienga ine koborrangko man•soengani gimin ia sabisioni nampilgipa manderangnaba ia tikarangko su•gen ine Health department parakataha.

Sabisiko sanna man•gipa samrang dongkujani giminsa sabisi giproroengmiting somoio kenjagokanirang ong•kataha ine talatangengon, ia sabisini tikarangara WHO-ni ra•chakgimin ong•e naljokgnigipa tikarangsa ong•a aro ia tikarangko su•anichisan sabisini giproroaniko champengna man•gen ine WHO-ni official parakataha.

spot_img

More articles

spot_img
-->

Latest article