Dibrugarh, Nov 17: Sombar pringo, Tinsukia-ni chadamberang chanchichipenggipa sak 44 manderangko Tinsukia Railway Station-oniko rim·aha, indake chel·chakgipa dolrang da·o uamangko am·sandianiko dakna nangao ga·akaha.
Koborrangko man·soani gitade, ia rim·a man·gipa manderangara Jammu aro Kashmir-oni, contractor Kadhim Ali-ni tik ka·gimin project-o kamko ka·na Arunachal Pradesh-ona re·baengachim.
Ia rim·a man·gipa manderangara station-ko re·wilwile dongengan baksana chanchichipna kragipa ong·ani gimin uamangko dongdipataha ine ia rim·anio bak dongpagipa jolni chadambe saksa janapatengon, ian batanggimin somoio a·songo ong·a obosta chong·motan Delhi-o boma gopretani a·sel am·sandianiko dakna nangchongmotgipa ong·a ineba janapataha. Uamang ta·raken iani bidingo Railway Protection Force (RPF) aro Government Railway Police (GRP) dolna koborrangko on·ataha.
Rim·a man·giparangoni saksa Bashir Ahmed, uamang Doda aro Kishtwar a·jaoni hajira ka·e cha·giparang ong·a aro uamang ja 4-na bijolini silitingrangna a·a cho·ani kamko ka·na re·bagiparang ong·a ine u·iataha.
Authority-rang uamangni lekka pancharangko name nianiko dakkuengon, ia ong·a obostara Skotong Minister Himanta Biswa Sarma-ni niamgri napsrukbaaniara a·songni naljokanina namen kenchakna nanggipa ong·a ine chel·chakaniko mangrakbatatani somoio ong·aha.
Na·simang iakoba nina man·gen:
Na·simang iakoba poraina man·gen: Manderangni chi-na dilaniko namatna Tripura-o MP Development Fund-ni gita bolgni water tanker-rangko brea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
