Shillong, Jan 11: Meghalaya a•doko Tourism-ni kamrangko tang•doatna gita a•dokni Cabinet, Tourism Policy 2023-ko Budbar salo pass ka•e on•angaha.
Cabinet today approved the Meghalaya Tourism Policy 2023. The Tourism Policy will give shape and structure to adapt to the necessary changes required to boost the sector & will also look into aspects of sustainability.@kishanreddybjp pic.twitter.com/XMEQTzJv1L
— Conrad Sangma (@SangmaConrad) January 11, 2023
Meghalaya a•dokni Chief Minister Conrad K Sangma-ni parakatani gitade, Tourism policy-ko 2011 bilsiosa bon•kame tariaha aro ua somoioni Tourism department-o bang•en dingtanganirangko nikna man•ahani gimin gital somoini kri Tourism policy-ko namdapate tarina nangaha.
Ia chu•gimik niamrangko pass ka•engani gimin a•dok sorkari, dingtang dingtang dolrang baksaba bang•en agangrikchengaha aro ia niamrangko manderangnaba mesokatchengaha ine Chief Minister parakataha.
Ia sal somoirango Tourism-ni kamrangko nigope pilakni gitan bimangko ong•atna miksongesa ia Tourism Policy-ko tariaha ineba Chief Minister parakataha.
Ia gital Tourism policy-ni bidingo talataniko on•angkuengon, Tourism-ni kamrango bang•en dingtanganirang dongahaoba niam gita dal•roroanirang dongjaengani gimin ia Tourism policy-ara niam gita Tourism-ni kamrangko tang•doatna dakchakani ong•gen ine Chief Minister parakataha.
