Agartala, Mar 5: Tripura a·dokni Agartala songjinmao donggipa Shivnagar jolo, bilsi 82 ong·gipa butchuma saksa, an·tangni sigimin depanteni manggisi baksa salchetna noko dongaha ine nikna man·aha.
Police-rangni u·iatani gitade, bilsi gittamna skang nokdang golmal ong·e boharigipa nokko wate re·angani ja·man bilsi 82 ong·gipa Kalyani Sur Chowdhury, an·tangni bilsi 54 ong·gipa depante Sudhir baksa janggi tangengachim.
Ia a·selni bidingo kobor ra·timgiparangna talate on·angengon, ia nokoniko soa biba man·e noksulrangsa police-rangna u·iatchengaha aro bakan police-rang ia nokona re·angenba, do·gako pe·drae napon, ia mandeni manggisiko palango nikeaha aro kuturi ge·sagipao uni saenggipa ma·gipako tue dongako nikeaha ine Maharagang Bazar police outpost-ni officer-in-charge Mrinal Paul parakataha.
Ia butchuma re·na man·gija sae dongengachim aro unomitingsa uni depante siangskaahakon ineba police-rang, an·tangtangni chanchichipaniko parakataha.
Manggisi man·gipa kuturioniko chu botolrangko bang·en man·ahani gimin ua chu ringdugaani a·selsa siaha ineba police-rang chanchichipenga.
Indake ong·engon, saenggipa butchumako sanna gita sepango donggipa health centre-ona ra·angaha aro sianggipa mandeni manggisiko post mortem ka·na watataha ine police officer aganaha.
Na·simang ia video-kona nina man·gen:
Na·simang iakoba poraie nina man·gen: M’laya BJP-ni Kisan Morcha, game ge·e cha·giparangna program-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
