Agartala, Aug 26: Tripura a•dokni Gomati a•jao, me•tra saksako kaenba, doka sata dakanina aro uni kniko rate onia ka•ani gimin police-rang, me•chik sakgittamko rim•aha.
Ia a•sel ong•ani re•anggipa Sukrobar salo, Udaipur-ni Bhangarpar jolo ong•aha aro ia a•selko video-rango niksoani ja•man dingtang dingtang dilgiparang aro jolo songdongenggipa manderangba raken jegalataha.
Video-o mesokani gitade, ia me•chikko uni jak aro ja•ao kaenba adita sak manderang dokaha aro indakmitingo sakgipin me•chik, uni kniko ratskaaha.
Ia me•chikko iandake onia ka•engmitingo gipinrang mobile phone-rangchi video ka•e ra•skaaha aro ia video, social media-o giproroangaha.
Onia ka•a man•gipa me•chikni parakani gitade, uni niotang, pangnan unbaksa kajia ong•rongachim aro iakon pa•sike, jolo songdongenggipa manderang, uni jakko bijoli krongo kachapenba, uni mikkangko gisimataha aro uni gitoko juttani malako pataha.
An•tangko iandake doka satanina aro onia ka•anina ia me•chik, Manju Rani Das, Putul Rani Das, Nibedita Chanda, Nandita Chanda, Bapan Bibi, aro Hameda Bibi minggipa me•chikrangko matnangaha aro uko iandake onia ka•gipa pilak manderangni kosako rakgipa ja•kurangko de•china dabiangaha.
Ia a•selni bidingo, BJP Gomati-ni district president Sabita Nag, gipin membor-rang baksa, Sombar salo, Gomati a•jani Superintendent of Police (SP) Dr Kiran Kumar K-ko gronge, dos dakgipa manderangni kosako rakgipa ja•kurangko de•china dabiangaha.
Ia a•selni bidingo police-rang, RK Pur Women Police Station-o mokordomako segataha aro ia a•selna bilsi 60 ong•gipa Manju Rani Das, bilsi 50 ong•gipa Putul Rani Das aro bilsi 60 ong•gipa Hamida Banu-ko rim•aha ine ja•mano SP Dr Kiran Kumar K parakataha.
Na·simang iakoba nina man·gen:
Na·simang iakoba poraina man·gen: Soroko a·sel ong·anichi Assam-ni Moran-o paningsa sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
