Tura, Mar 15: Garo Hills-o tom•tomaniko man•piltaina gita Sonibar attamo, gittamgipa changna ‘Peace Crusade’-ko Tura Bazar-o donggipa Parade Ground-o ong•atangenba, jinma tom•bimonge bi•rimaniko dakangaha.
Ia Peace Crusade-ko skanggipa salo, Tura-ni Araimile junction-o, uni ja•man gnigipa salo Hawakhana junction-o aro gittamgipa salo Parade Ground-o ong•atangaha aro ia jinma bi•anio, dingtang dingtang jatrang aro mondolirangoni bang•a manderangan bak ra•angtokaha.
Sonibar attamo ia bi•aniko Balading Mondoli, Babupara Mondoli, Nikrang A•ding Mondoli aro A•konggre Mondoli ong•atangaha aro ia program-na skang, Tura Puja Committee-ni membor-rang, Parade Ground-o rongtalatanichi ia program-o bak ra•angskaaha.
Apsan daken Williamnagar-oba, tom•tomaniko man•piltaina gita jinma tom•e bi•aniko, Williamnagar Main Market Auto Parking-o ong•atangaha aro ia bi•anio, dingtang dingtang dolrang, budepa butchumarang, pamongrang, father-rang, sister-rang, district administration-ni membor-rang, Williamnagar-o bading chiwale cha•giparang aro dingtang dingtang gadangni manderangba bak ra•angtokaha.
Pilak a•jarangon tom•tomaniko ra•bapilna gita sorkari rakbee kamrangko ka•engani gimin tom•tomaniko rakkichina aro sorkari baksa bakrimchina gita district administration, a•jao songdongenggipa pilak manderangkon didiataha.
Na·simang iakoba nina man·gen:
Na·simang iakoba poraina man·gen: Boko-o Purple Fair 2026-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
