Tura, Apr 10: Tura-ni Don Bosco College-o poraiange, da•o US a•songo Maximus-ni Senior Director (IT) ong•e kam ka•enggipa Jisu Dasgupta, Sukrobar salo an•tangni gitcham college-ona re•bapile, college-o poraienggipa chatro chatrirangna didiani kattarangko aganangaha.
2008 bilsio Physics graduate ong•anggipa Dasgupta, Tura-o cholgri ong•gipa nokdangoni ong•e, poraianirango namen neng•nikanirangko chagrongna nangahaoba miksongani gnang poraiaha aro uandaken ua Don Bosco College-o graduate ong•angani ja•man, India a•songni dingtang dingtang biaprango chubata gadangrango poraiangkuaha. Bon•kamao ua, United States (US) a•songona re•ange Artificial Intelligence (AI) aro Data Analytics-ko poraienba da•o Maximus company-o Senior Director (IT) ong•e kamko ka•engaha.
Bilsi 18-ni ja•man Dasgupta, ia 2026 bilsini April 10 tariko, Tura Don Bosco College-ona re•bapile, chatro chatrirangna aro college-o kam ka•enggiparangna, an•tangni janggi tanganio tikkelanirangko aganenba, didiani kattarangko aganangaha.
Ia program-ko Tura Don Bosco College-ni Physics Department, IQAC baksa nangrime ong•ataha aro ia tom•anio, Gaurav Biswas rimchaksoani kattarangko aganangani ja•man College-ni Principal Fr Januarius S Sangma-ba chatro chatrirangna agan-ku•pattianirangko on•angaha.
Ia program-ko ong•atanio Jisu Dasgupta, college-ni chatro chatrirangna aganprakengon, an•tangni ka•enggipa kamrangni gimin agane, chatro chatrirangna didianirangko on•angaha.
Ia program-ko Dr Yubaraj Sharma aro Dr Arindam Ghosh sokachake, Jisu Dasgupta-ni giminba jinmana agan-talate on•angjolaha.
Na·simang iakoba nina man·gen:
Na·simang iakoba poraina man·gen: 2026 bilsini ULLAS Fest-ko Shillong-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
