Tura, June 5: Nasha Mukt Bharat Abhiyaan-ni ning·o pekatgipa bosturangko jakkalani namgijani bidingo chatro chatrirangna mikrakataniko on·a, Tura Hindi Secondary School-o salgimikna anti-drug awareness program-ko Bristibar salo ong·atangaha.
Tura Bihari Mahila Social Welfare Society aro West Garo Hills District Administration apsan nangrimenba ia program-ko ong·atangaha. Tura Civil Hospital-ni Dr. Rangdondor Sangma, pekgipa ringanirangara maikai mandeni be·en bimang aro gisikni gita nangchakeaniko on·achim uarangni bidingo aganangan baksana ua chatro chatrirangko pekgipa ringaniko gelan baksana an·seng baljoke janggi tangchina ku·pattianiko on·angaha.
District Social Welfare Office-ni Stern H. B. Marak, songsalo pekatgipa ringanirangko jakkalani namgijani bidingo mikrakataniko on·a chatro chatrirangna didianiko on·angaha. Una agreba ua, pekatgipa ringani ranta ong·giminrangko ramram janggi tanganiona re·bapilna dakchakgipa sorkarini rehabilitation centre-rang, sana banani aro counseling program-rangni bidingo agan-talate on·angaha.
Bihari Mahila Social Welfare Society-ni President Meena Tiwari, Hub News-na aganengon, uamangni dol Garo Hills gimiko bi·sarangko pekatgipa ringanirangoni chel·e dongchina aro songsalo mikrakataniko giproroatna didianiko on·a iandakgipa program-rangko ong·atronga ine aganangaha. Ia program-ko ong·atgipa dolrang, skigiparang aro chatro chatrirangni pekatgipa ringani grigipa songsalko ong·atna ku·mikchetani baksa ia tom·bimonganiko matchotataha.
Na·simang iakoba nina man·gen:
Na·simang iakoba poraina man·gen: Brahmaputra-o niam gri na•tok rim•gipa jalrangko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
