Shillong, Sep 11: Tura Medical College-ko a•dok sorkari Public-Private Partnership (PPP)-ni bewalo chalaina cholrangko nienga ine Bristibar salo, a•dokni Chief Minister Conrad K Sangma parakatenba, ia bewalo medical college-ko chalaianichi, college-ko chalaina gita private company-na on•e, civil hospital aro Maternity & Child Health (MCH) Hospital-kode sorkarian chalaianggen ine talataniko on•angaha.
Tura Medical College-ko PPP mode-o chalaina tik ka•anio Tura Civil Hospital aro MCH-koba private company-rangsa chalaigen ine ma•sisrettokenga ine janapatengon, private company-rangde Civil Hospital aro MCH-ko chalainade bil man•jawa aro ia kamo sorkari baksa bakrimenggipa company-an hospital-koba kulina nanggen ine Chief Minister, Assembly-o Opposition dolni dilgipa Mukul Sangma-ni sing•anirangna aganchakaniko on•angaha.
Garo Hills-o specialist doctor-rang 50 percent-mangni gita chu•ongjaenga ine janapatengon, medical college-ko kuliahaode iana bateba kam ka•giparangko nanggen ine Chief Minister aganenba, gipin biaprangoni specialist doctor-rang, sorkari tangka paisarangko on•na kusi ong•engoba re•bana siktokjaenga aro ian dal•batsranggipa ra•biani ong•enga ine parakataha.
Tura Medical College-ko PPP mode-o chalaigenchimode chatro chatrirang gong lak 50-oni crore-samang ong•pile fee-rangko gamna nanggen ine ma•sisretaniko jegalatengon, sorkarini dongimin biaprango poraina cholko man•gipa 63 percent chatro chatrirangni tuition fee-nade sorkari subsidy-ko on•gen aro chatro chatrirang gong 30,000-kosan gamna nangaigen ine Chief Minister talataniko on•angaha.
Iani bidingo sorkari, dingtang dingtang dolrang baksa agangrikangkuna kusi ong•aigen ineba ua aganaha.
Na·simang iakoba nina man·gen:
Na·simang iakoba poraina man·gen: M’laya-o gong kror 90 tangka paisarangko man·dapna gital niamko Excise-o ra·gata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
