Shillong, Dec 8: Re•baenggipa bilsini Lok Sabha election-na Tura-ni MP Agatha K Sangma, dingtang dingtang biaprangona re•ange campaign-rangko ka•na a•bachengaha ine Sukrobar salo, a•dokni gitcham minister aro National People’s Party (NPP)-ni dilgipa James K Sangma parakataha.

James-ni parakatani gitade, re•baenggipa 2024 bilsini Lok Sabha election-na Tura-ni MP Agatha K Sangma, dingtang dingtang biaprango bang•en tom•bimonganirangko ong•atengaha indiba kamrangko bilakesa ka•kujaenga.

Ia election-o dingtang dingtang kamrangko nie manderang, dilgipako seokgen ine janapatengon, Tura-ni MP, Parliament-oba Garo Hills-ni giminsan ong•aigija, Meghalaya aro salgro salaram jol gimikni namgninan ku•rangko on•ahani gimin pilakni gitan uni kamrang namenga ine James aganaha.

Garo ku•sikko Eighth Schedule-o napatani bidingo dingtang dingtang neng•nikanirangko chagrongna nangahani gimin Tura-ni MP, Garo Hills-ni gipin dilgiparang baksa Delhi-ona re•ange ma•mong sorkarini dilgiparangko grongdileaha aro ia neng•nikanirangko namatna man•aha ineba ua aganaha.

“Uni gimin Tura MP-ni kamrangko name nigenchimode ua pilakni gitan name ka•engani gimin ia election-o una maming jajrengna nanganiko anga nikjaenga,” ine James aganaha.

Iakoba poraie nina man·gen: Ri Bhoi a•jao mande saksako silchidarerang aro matburingni bakrang baksa rim•a