Tura, Oct 28: Tura National Skill Training Institute (NSTI-W)-ni 2024-2025 batch-na skill convocation ceremony-ko Mongolbar salo, Tura-ni District Auditorium-o ong•atangaha aro ia program-ko ong•atanio, Tura-ni MP Saleng A Sangma, mongsonggipa sokgipa ong•e bak ra•angaha.
Ia institute-ni convocation ceremony-ko ong•atanio Tura-ni MP, jinmana aganprakengon, mandeni chu•sokgipa ong•anide certificate man•aniosan pangchakaia ong•ja indiba gisik seng•ani, u•iani aro miksonganirangkoba nanga ine parakangaha. Ia institute-o skie ra•e chu•sokanggipa chatrirangko, an•tangtangko on•kangenba, songsalna aro an•tangtangni noksul songsulna dangdike on•skachina gitaba Sangma didiangaha.
Salgro salaram jolrango drugs ba pekatgipa samrangko jakkalanirang batroroengani gimin iandakgipa neng•nikanirangko chel•chakna gita kam ka•chinaba ua chatrirangko didiangaha.
Ia tom•anio, RDSDE Assam-ni Regional Director T Ragulan-ba saksa sokgipa ong•e aganprakengon, NSTI(W)-ni kamrangni gimin agan-talatanirangko on•angaha. Dam 33 National Skill Training Institute-rangoni dam 19-de me•chikrangna kam ka•e cha•ani cholrangko aro bading chiwalani cholrangko on•na gita dingtang dingtang course-rangko on•enga ineba ua aganaha.
Ia program-ko ong•atanio, West Garo Hills a•jani Additional Deputy Commissioner (ADC) Mary Liza-ba jinmana aganprakengon, me•chikrangna janggi tangani cholrangko on•na gita dingtang dingtang jakni kamrangko skie on•engani gimin National Skill Training Institute-ko mittelpilangaha.
Ia convocation ceremony-ko ong•atanio, NSTI(W)-ni dingtang dingtang course-rang, jekai Dress Making, Cosmetology, Computer Operator & Programming Assistant, Fashion Design & Technology, aro Secretarial Practice-ko skie ra•e pass ka•anggipa sak 110 chatrirangna certificate-rangko on•angaha aro unbaksana ia course-rango nambatgipa sak 30 chatrirangna dingtangmancha award-rangkoba on•angaha.
Na·simang iakoba nina man·gen:
Na·simang iakoba poraina man·gen: Zubeen sagini siani bidingo matnangako man·gipa sakbonga manderangko sal-14na pattoko donna hukumko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
