Tura, Oct 31: Gnigipa changna West Garo Hills Taekwondo Association (WGHTA)-ni District Sports Office aro Meghalaya Taekwondo Association (MTA) baksa nangrime ong•atenggipa West Garo Hills Inter Club Taekwondo Championship (Kyorugi)-ko Sukrobar salo, Tura-ni Indoor Sports Hall-o a•bachengataha.
Ia salgnina ong•atenggipa Taekwondo kal•susaanio, West Garo Hills a•jani ning•o donggipa dol 12 club-rangoni gimik sak 183 manderang bak ra•enga aro ia kal•susaaniko Sonibar salo matchotatenga.
Ia Taekwondo kal•susaaniko bakgittam dake, chong•motan Sub-Junior, Junior aro Cadet category-rango ong•atenga aro ia kal•susaanio, kg 18-oni kg 59-ni ning•o me•asa aro me•chikrangna dingtang dingtang dake ong•atenga.
Ia Inter Club Taekwondo Championship-ko ong•atani bidingo WGHTA-ni general secretary Sanang G Momin talate on•angengon, batanggimin chang Taekwondo kal•susaaniko ong•ataniode sak 164 manderangsa bak ra•aiachim indiba ia changode sak 183 manderang bak ra•engani gimin Taekwondo kal•susaanio manderangni gisik nangbataniko nikna man•enga ine parakataha.
Skulrango Taekwondo-ko skulni curriculum dake ra•gataniko uamang ka•dongenga ineba Momin parakataha.
Garo Hills-o Taekwondo-ko a•bachengdilgiparangoni saksa Eugene K Marak sagiko gisik ra•na gita uamang mikkangchi Meghalaya Taekwondo Association baksa chanchirime, Taekwondo kal•susaaniko dal•bate ong•atna miksongenga ineba WGHTA-ni general secretary parakataha.
Ia inter club Taekwondo Championship-ko a•bachengatanio, District Sports Officer Saljagring M Marak, WGHTA-ni president Salvious P Marak aro gipinrangba bak ra•angaha.
Na·simang iakoba nina man·gen:
Na·simang iakoba poraina man·gen: Shillong Engineering College-ni academic session-ko CM a•bachengate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
