Tura, Jan 21: Meghalaya a•dokni gipin biaprango gitan Tura-oba chang 54-gipa Meghalaya Day-ko Budbar salo, Tura-ni DC Park-o maniangaha.
Ia salko manianio, West Garo Hills a•jani Deputy Commissioner Vibhor Aggarwal, mongsonggipa sokgipa ong•e, jinmana aganprakengon, Meghalaya a•dokni bilsi 54 gapahani gimin a•dokni manderangna an•tangni namgipa skaniko on•angenba, 1972 bilsio a•dokko man•chengaoni maikai Meghalaya a•dok dal•rorobana aro namroro silrorobana man•aha, iarangni gimin talatanirangko on•angaha.
Sorkarini rakbee kamrangko ka•enganichi da•alo Meghalaya a•dokba India a•songo ta•rakbatsrange dal•roroenggipa a•dokrangoni damsa ong•engaha ineba ua aganaha.
Meghalaya a•doko songdongenggipa manderangoni chadamberangan jelbra jelsubatani gimin ia bilo pangchake a•dokni Chief Minister Conrad K Sangma, niksamsoani gnang kamko ka•enga ine janapatengon, a•dokni chadamberangna dingtang dingtang cholrangko on•na gita kamrangko ka•na nangengani gimin Aggarwal aganaha.
Ia tom•anio, Tura Government College-ni Associate Professor Jyostna D Sangma, Meghalaya a•dokko man•ani bidingo agan-talatanirangko on•angskaaha.
Tura-o Meghalaya Day-ko manianio, dingtang dingtang dolrangni git ring•ani, doka dam•ani aro dakmesokanirangkoba nikangna man•aha.
Na·simang iakoba nina man·gen:
Na·simang iakoba poraina man·gen: Baghmara-o Counter-Insurgency Anti Terrorism School aro Integrated Police Welfare Complex-ko CM nokdonggae on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
