Shillong, Jun 25: Karbi Anglong Autonomous Council (KAAC)-ni gita niam gri Meghalaya a•dok ning•o gama ge•anirangko dakenga ine matnangenba Budbar pring 11:00 aro 11:30 bajimangni gisepo, West Jaintia Hills a•jao donggipa Lapangap songni manderang, dingtang dingtang dolrang baksa ia sima jolo rikgipa nokrangko aro bol chararangko nosto ka•e galani ja•man ia jolrango adita so•sojengjeng ong•anirangko nikna man•angaha.
Ia a•selni bidingo talataniko on•angengon, Assam-chipakni district administration aro police-rangna u•iatchenggija Karbi Autonomous Council, bolrangko ge•ahani a•sel da•alo iandakgipa obostako chagrongna nangaha ine West Jaintia Hills a•jani Deputy Commissioner Abhinav Kumar Singh parakataha. So•sojengjeng ong•gipa biapona police dolrangko watataha aro ia obostako namatna man•aha ineba ua aganaha.
DC-ni aganani gitade, ia jolrango bolrangko ge•na sienga ine uamangnade antisamangna skangan koborko on•atahani gimin aro ua jolrango tom•tomanina jinma chanchirimanirangko dakna siengani gimin uamang, songni manderangko ua biapona re•angjachina beng•e donahachim.
Ia tom•aniko Budbar pring 9:00 bajion, Assam a•dokni a•kangenggipa Tahpat songo ong•atani ong•achim aro ia tom•aniona Lapangap songni manderangde apsan chanchirimna re•angahaoba Tahpat songni manderangan darangba ia tom•aniona re•baskajaha ineba DC parakataha.
Ia biapo border magistrate sakgittam baksa nanga gitan police dolrangko donatahachim indiba Lapangap songoni sak 150-mangna baten KAAC-ni bagan dakgipaona re•ange, uamangni ge•gimin bol chararangko aro nokrangko pe•e galeaha ine DC aganaha.
Ia jolrango so•sojengjeng ong•anirangko chel•chakna gita police-rang dongkamgen ineba DC parakataha.
Ia jolrango dolgni dinggrikaniko chel•chakna gita Assam aro Meghalaya damgnionin district administration-rang, an•tangtangni manderangko champengna jotton ka•enga ineba ua aganaha.
Na·simang ia video-koba nina man·gen:
Na·simang iakoba poraina man·gen: Pirot R. Marak-ko so·otani bidingo sakbri manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
