Tura, May 2: A∙sel ong∙gnirangna manderangko tarisamsona ine, National Disaster Response Force (NDRF) District Disaster Management Authority (DDMA) baksa bakrime West Garo Hills a∙jani dam-dok skichakram biaprango Familiarization Exercise-ko (FAMEX) April 27-oni May 2 tarikona antisana ong∙atangaha.
Tura-ni mongsonggipa skichakram biaprango iandakgipa ranta ka∙aniko dakanichi chatro-chatrirang, skigiparang aro gipin kam ka∙giparang aro songdonggipa manderangko chi bananirangna aro banggrianirangna mikrakatsona aro tarisamona ine miksonge ong∙atangaha.
A∙song gimiko FAMEX programme-ko ong∙atnengon, NRDF-ni manderang rang∙gitik a∙sel ong∙ani somoirango dakna nanggnirangko mesoke aro agan-skie on∙anirangko dake mesokangaha. Bak ra∙giparangko a∙sel ong∙ani somoio manderangko jokatani cholrang, cardiopulmonary resuscitation (CPR), first aid, a∙sel ong∙gipa biaponi rimongkatani aro dingtang dingtang cholrangko jakkalani bidingo skie on∙anirangko dakangaha.
Ia exercise-ko Dalu Higher Secondary School, Tura-ni St. Luke Higher Secondary School. Tikrikilla-ni Don Bosco Higher Secondary School, ICFAI University, Selsella Higher Secondary School aro Don Bosco College Tura0o ong∙atangaha.
Ia programme-ko NDRF-ni officialrang – Inpector Mehta M Kumar aro Inpector W Khaleng baksa DDMA, West Garo Hills-ni Field Engineer Camelius K Sangma ong∙atangaha.
Skichakram biaprangna agreba, NDRF aro DDMA nangrime a∙jani dingtang dingtang a∙sel ong∙anina kengni donggipa biaprangko nie ra∙anirangko dakangaha. Uamang kenbegnigipa biaprangko sandie, a∙sel ong∙na kragipa biaprango tarisamsoanirangko bilakatna ja∙ku de∙anirangko dakangaha.
Ia exercise-ni bon∙kamgipa bakko Don Bosco College, Tura-o Principal Fr. Januarius S. Sangma-ni mikkango dakangaha aro uni ja∙mano Ganol Dam-ona aro sepangjolo donggipa kengnio ga∙akenggipa biaprangona re∙ange nianirangko dakangaha.
FAMEX programme-ni mongsonggipa miksonganiara songdonggipa manderangko aro biapko nirokenggipa dilgiparangko a∙sel ong∙ani somoirango ja∙ku de∙na changna gita dakna nanggnirangko skie on∙enba, manderangni janggirang aro gam-jinrangni gimaaniko komiatna dakchakanian ong∙a ine official-rang aganangaha.
Na·simang iakoba nina man·gen:
Na·simang iakoba poraina man·gen: NEIGRIHMS-oniko WGH-ona manggisi ra·baenggipa ambulance gari bikpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
