Williamnagar, Nov14: Williamnagar Dawagre-o donggipa Loyola Secondary School-o Children’s Day ba bi•sarangni salko Sukrobar salo, mikkim gnangbee maniangaha aro ia salko manianio, skulo poraienggipa chatro chatrirangni ma•a paarangba skulna dakchakanirangko on•angaha.
Ia Children’s Day-ko manianio, PepsiCo India company-o bak ong•enggipa Mendipathar-o donggipa Varun Beverages Limited (PepsiCo)-ba ge 1600 Slice juice-rangko bi•sarangna on•gile dakchakaniko on•angaha.
Ia manianiko, pagiparangoni saksa aro pamong Benting R Marak-chi Isolo bi•e a•bachengataha aro uni ja•man Loyola Secondary School-ni Principalk Fr Victor D’Mello, rimchaksoani kattarangko aganangaha. Uni jaman-o joljol school ni skigiparang aro bi•sarangni ma•aparang uamangni chrokmesaani aro dakmesokarangchi bi•sarangko an•sengataha.
Ia Children’s Day-ko manianio, git ring•anina aro chrokmesaanio mingsing minggamako man•gipa Jitupan Bora aro Aryaan K Sangma-ba dongpae, gitrangko ring•anichi aro chrok mesanirangchi bi•sarangko an•saoatangbeaha.
Jitupan aro Aryaan sakgnian Williamnagar-o atchie dal•atako man•giparang ong•a aro ia bi•sarangni salo, uamangni re•bae, bi•sarangko an•saoataniara, uamangni Williamnagar-o songdongenggipa manderangna ka•saaniko mesokaniba ong•aha.
Program matchotani ja•man Hub News, skulo poraienggipa adita sak chatro chatrirang baksa agangrikaha aro uamang pilakan, ia bilsini Children’s Day manianiko an•saobatgipa ine agantokaha. Ia salko uamangna namen dingtangmanchagipa ong•atahani gimin chatro chatrirang, skulni principal, skigiparang, ma•a paarang aro ia program-o an•saoatanggipa Jitupan Bora aro Aryaan K Sangma-koba mittelpilangaha.
Pagiparangoni saksa Taison D Shira-ba, ia Children’s Day manianiko ma•a paarang aro skulni gisepo nangrime ong•atna man•ahani gimin an•tangni kusi ong•aniko parakataha. Ia salko manina gita on•gilgiparangko, mongsongbate bi•sarangna ringani juice-rangko ka•sae on•gilahani gimin ua Varun Beverages Limited-koba mittelpilangaha.
Ia salko manianio bi•sarangko an•saoatahani gimin ua dingtangmancha Jitupan Bora aro Aryaan Sangma-koba mittelpilangaha.
Ia Children’s Day-ko manianiara bi•sarangna kusiniko ra•baasan ong•aigija ma•a paarang, skigiparang aro jolo songdongenggipa manderangni gisepo nangrimaniko bilakbatataniba ong•aha.
Na·simang iakoba nina man·gen:
Na·simang iakoba poraina man·gen: M’laya Cabinet Justice Pande-ko MSCDRC-ni President-na seoktaianiko namnike ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
