Resubelpara, July 14: Dingtang dingtang songrangni Nokma-rang, Garoland State Movement Committee-ni (GSMC) Resu Unit-ni General Secretary Robith Ch. Marak, Organising Secretary Challang G. Momin, dam 26 songrangni Lasker Kraistone Sangma aro Kharkutta jolni manderang tom·dake Winter Capital-ko dabina chanchirimanirangko dakangaha.
A·chik State Peoples Front, H.Q. Tura-ni General Secretary mongsonggipa sokgipa ong·e re·baaha. “Assam-ni bak ong·engmitingon Assamese ku·sik-kosa pilak nanggipa kamrangna jakkalna ra·gatani gimin ra·chakna man·jae dingtang a·dokna dabie 1970 bilsio Meghalaya a·dokko man·aha. Unoni joljol a·dokko rikbaaha, aro sak 41 MLA-rangchi Assembly Session-rangko ong·atna a·bachengaha indiba sin·kario Shillong-o sin·dugaani gimin adita Khasi MLA-rang Tura-o Winter Session-ko ong·atna nangnikaha indiba chu·sokatna man·jaha,” ine ua jinmana parakata baksana pangkamgipa Winter Capital-ko chu·sokatna pilakan bilake ja·ku ga·angna ine mol·molanikoba on·angaha.
Winter Capital-ko dabianiara A·chik a·songni nanganirangko chu·sokatani aro neng·nikanirangko namatani mingsa cholko ra·baani ong·a ine A·chik chadamberangko mikkangchini gimin chanchisona aro simsaksona ine Garoland State Movement Committee (GSMC) H.Q. Tura-ni Acting Chairman Balkarin Ch Marak-ba jinmana ku·mongrimaniko on·angaha.
Uandake, dingtang dingtang dolni dilgiparang A·chik A·song gimikona re·roroe Kharkutta-ona sokbaaha ine janape, mikkangchiko niate Winter Capital-ko man·ningjaode a·dok dingtang ong·na draatako man·gen ine Kharkutta jolni pagipa saksa, Johnsh K Marak aganangaha.
Una agreba, A·chik manderang ku·cholsan ong·genchimode, je ja·kuko ga·oba ta·raken chu·sokgenchim ine Kharkutta jolo song·dong-a·chagipa pilakkon Winter Capital-na dabianio bakrimchina ine Kharkutta Regional Unit-ni GSU President Jenggil K. Sangma ku·mongrimaniko on·aha.
Na·simang iakoba poraina man·gen:
Na·simang iakoba poraina man·gen: Tripura police sak 6 manderang baksana lakh 50-ni ganjarangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
