Tura, July 20: All Khasi Hills A•chik Federation dolni padot Cleavester Marak, Tura-ko winter capital songchina dabidilenggipa ACHIK dolna chakpaaniko on·anganio, ia dabianiara namen gamchatgipa ja·ku de·ani ong·a aro a·dok sorkari iako chu·sokate on·na gisiko nanggipa ong·na nanga ine Bristibar salo aganangaha.
Tura-ko winter capital ba a·dokni gnigipa skotong songaniko A·chik jatrang ru·uta somoirangonin nangnikengachim aro skangonin iako dabibaenga ine aganangenba, ia dabianiko chu·sokatna man·ode A·chik a·songo chagrongenggipa bang·bea neng·nikanirangkoba altuae namatna cholrangko man·gnok ineba ua aganangkuaha.
Organization-ni dilgipa, adita sal skang winter capital-na dabiani bidingo ning·tue chanchichenggija skatang agananganina a·dokni politician Ma Ampareen Lyngdoh-koba matnange aganangan baksa, kamna galenggipa chadamberangni namgnina Roster system-ko man·adipet a·doko gong·raken ra·gatchinaba AKHAF-ni padot, sorkariko didiangjolaha.
Khasi Hills-ni dingtang dingtang a·jarango District Selection Committee (DSC)-ni kamrangna A·chik candidate-rangko rimnapa dongbrejaengani bidingoba organization-ni dilgipa dingtangmancha naatangjolengon, Khasi Hills-ni dingtang dingtang biaprango donggipa A·chikrang, DSC-ni kamrangko nanga gita man·tokjaenga aro A·chikrangna DSC -ni kamko on·anio a·dokni ning·o donggipa jeba system, policy aro reservation-ni gitaba niamrangko ja·rikata dongjaenga ine janapatenba, ia nangchongmotgipa mamlani gimin nipiltaianiko dakenba nichanggala man·gipa A·chik candidate-rangna cholrangko on·ani gimin policy-ko ra·gatchina a·dok sorkariko aro ma·mong sorkarikoba AKHAF dolni padot Cleavester Marak didiangjolaha.
Iakoba poraie nina man·gen: Khasi Jaintia Deficit School Teachers Association aro Garo Hills Deficit School Teachers And Employee Association Education Ministerko gronga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
